🛑परुळे बाजार ग्रामपंचायत सभागृहात मोफत नेत्र तपासणी,मोफत मोतीबिंदू शस्त्रक्रिया शिबिर संपन्न.

🖋️लोकसंवाद /- परुळे.

नमो नेत्र संजीवनी आरोग्य अभियान सेवा पंधरवडा अंतर्गत व देशाचे पंतप्रधान नरेंद्र मोदी व भाजप प्रदेशाध्यक्ष रविंद्र चव्हाण यांच्या वाढदिवसानिमित्त भाजपा परुळे विभाग भाजप युवा मोर्चा वेंगुर्ले वतीने शनिवारी परुळे बाजार ग्रामपंचायत सभागृहात मोफत नेत्र तपासणी, मोफत मोतीबिंदू शस्त्रक्रिया शिबिर व महिलांसाठी आरोग्य तपासणी शिबिराचे आयोजन करण्यात आले होते.परुळे बाजार ग्रामपंचायत सभागृहात आयोजित करण्यात आलेल्या शिबिराचे उद्घाटन सावंतवाडी संस्थानचे अध्यक्ष लखमराजे भोसले यांच्या हस्ते पार पडले.यावेळी डॉ.उमाकांत सामंत, परुळे बाजार ग्रामपंचायत सरपंच प्रणिती आंबडपालकर,कुशेवाडा ग्रामपंचायत सरपंच निलेश सामंत, डॉ.मंदार निळकंठ, डॉ.धनश्री गोविलकर, वैष्णवी पाटकर,परुळे बाजार उपसरपंच संजय दूधवडकर,माजी सरपंच तथा सदस्य प्रदीप प्रभू, प्रसाद पाटकर, प्राजक्ता पाटकर,सीमा सावंत, नमिता परुळेकर,रुपाली पिंगुळकर,नंदा हिंदळेकर,आप्पा राठीवडेकर, विजय परब, तुषार सामंत, पुरुषोत्तम प्रभू, सुधीर पेडणेकर, मनिषा दुधवडकर,मनोज दुधवडकर, सुनिल चव्हाण, परशुराम चव्हाण,पत्रकार शंकर घोगळे, भूषण देसाई, संदिप चव्हाण ग्रामपंचायत कर्मचारी वर्ग व लाभार्थी मोठ्या संख्येने उपस्थित होते.परुळे गावचे सुपुत्र वेंगुर्ले पंचायत समिती माजी सभापती निलेश सामंत यांच्या मार्गदर्शना परुळे पंचक्रोशीत वेगवेगळ्या प्रकारची लोकोपयोगी सामाजिक उपक्रम राबविल्याने त्याचा फायदा प्रत्यक्ष लाभार्थी यांना होतो.आयोजित करण्यात आलेल्या शिबिरात परुळे बाजार कुशेवाडा,भोगवे,चिपी या गावातील लाभार्थी मोठ्या प्रमाणात सहभागी होत तपासणी करून घेतली.