🛑परुळे येथे माजी विद्यार्थी माजी विद्यार्थी मेळावा संपन्न.

🖋️लोकसंवाद /- परुळे.

शाळेच्या सर्वांगीण विकासासाठी सरसावले माजी विद्यार्थी शासनाने सर्व प्राथमिक शाळेत माजी विद्यार्थी मेळावा घेण्यात यावेत असे सांगितले त्यांचेच निमित्ताने जिल्हा परिषद केंद्र शाळा परुळे नंबर 3 या शाळेत शिक्षण घेतलेले माजी विद्यार्थी एकत्रित येऊन आपल्या शाळे प्रति कृतार्थ भावनेने हा कार्यक्रम यशस्वी करण्याचे ठरले आणि रविवारी दिनांक 5 रोजी मोठ्या उत्साहात कार्यक्रम संपन्न झाला यावेळी माजी सभापती शिक्षण व आरोग्य निलेश सामंत तसेच विजय तुळस कर गटशिक्षणाधिकारी संतोष गोसावी माजी गटशिक्षणाधिकारी रमेश पिंगुळकर माजी मुख्याध्यापक माहेश्वर म्हापणकर सरपंच प्रणिती आंबडपालकर मुख्याध्यापक अनंत सामंत ग्रामपंचायत अधिकारी शरद शिंदे व्हाईस चेअरमन प्रसाद पाटकर जयवन राऊळ माजी शिक्षिका गुलाब सामंत सुवर्णा जोशी पुरुषोत्तम प्रभू मुख्याध्यापक प्रविणा दाभोलकर शाळा व्यवस्थापनान अध्यक्ष दर्शना नानचे यासह मान्यवर उपस्थित होते यावेळी सर्व जण ज्या शाळेत शिक्षण घेतो, ती शाळा आपले पहिले विद्यापीठ असते. आपली स्वप्ने, विचार, संस्कार यांची पायाभरणी ह्याच शाळेत होत असते. म्हणूनच शाळेबद्दल आपल्याला आयुष्यभर ऋणानुबंध राहतो. या शाळेच्या विकासासाठी माजी विद्यार्थ्यांचे योगदान अमूल्य ठरते.शाळेची शैक्षणिक प्रगती केवळ सरकारी मदतीवर अवलंबून राहू शकत नाही. नवीन तंत्रज्ञान, प्रयोगशाळा, ग्रंथालय, खेळाची साधने यासाठी निधी व मार्गदर्शन आवश्यक असते. येथे माजी विद्यार्थीच मोठी ताकद बनतात. ते आपापल्या क्षमतेनुसार आर्थिक मदत, शैक्षणिक साधने, नवे उपक्रम राबविण्यासाठी अनुभव व सल्ला देऊ शकतात. काही जण विद्यार्थ्यांना करिअर मार्गदर्शन, स्पर्धा परीक्षांचे प्रशिक्षण, शैक्षणिक शिबिरे यांसारख्या उपक्रमांतून प्रत्यक्ष हातभार लावतात.माजी विद्यार्थ्यांच्या भेटीगाठींमुळे सध्याच्या विद्यार्थ्यांना प्रेरणा मिळते. शाळेतून घडलेले यशस्वी व्यक्तिमत्त्व समोर पाहून नव्या पिढीच्या मनात “मीही हे साध्य करू शकतो” असा आत्मविश्वास निर्माण होतो. त्यांच्या अनुभवकथनातून विद्यार्थ्यांना धैर्य, मेहनतीची जाणीव व योग्य दिशादर्शन मिळते.आपण ज्या शाळेतून ज्ञानसंपत्ती मिळवली, तिच्या प्रगतीसाठी थोडा वेळ, थोडा निधी व मनापासूनची साथ देणे ही आपली जबाबदारी आहे. आजच्या काळात शाळांची शैक्षणिक गरज झपाट्याने वाढत आहे. अशा वेळी माजी विद्यार्थ्यांचा एकजुटीने केलेला प्रयत्न शाळेच्या उन्नतीसाठी मोठे पाऊल ठरतो.म्हणूनच प्रत्येक माजी विद्यार्थ्याने आपल्या शाळेची आठवण ठेवून, तिच्या शैक्षणिक विकासासाठी हातभार लावला पाहिजे. हे केवळ कृतज्ञतेचे नव्हे तर समाजहिताचेही कार्य आहे. शाळा घडवते व्यक्तिमत्त्व, आणि माजी विद्यार्थी घडवतात शाळेचा उज्ज्वल उद्याचा दिवस अशा प्रकारे आवाहनही करण्यात आले यावेळीबहुसंख्येने माजी विद्यार्थीउपस्थितहोते. सर्वमान्यवर तसेच माजी शिक्षकतसेच विद्यार्थी यांचा सन्मानकरण्यात आला.स्वच्छ ता अभियानात उल्लेखनीय काम करणाऱ्या परुळेवाजार ग्रामपंचायत चा माजी विद्यार्थी शाळा समिती मार्फत सत्कार करण्यात आला कार्यक्रम यशस्वी करण्यासाठी माजी विद्यार्थी प्रदीप प्रभू पुरुषोत्तम प्रभू सुनाद राऊळ सागर परुळेकर अभय परुळेकर सानिका परुळेकर तसेच आजी माजी पालक वर्ग यांनी व् शिक्षक यानी विशेष परिश्रम घेतले.