🛑वृद्ध व्यक्ती ची ए.टी.एम कार्ड फसवणूक प्रकरणी आरोपींची जामिनावर मुक्तता.;अॅड. विवेक मांडकुलकर यांचा युक्तिवाद.

🖋️लोकसंवाद /- कुडाळ.

ए.टी.एम प्रकरणी दि.२७/०९/२०२५ रोजी मालवण येथील मे.न्यायाधीश यांनी वृद्ध व्यक्ती ए.टी.एम कार्ड फसवणूक प्रकरणी आरोपींची जामिनावर मुक्तता केली. आरोपीच्या वतीने अॅड. विवेक मांडकुलकर यांनी केलेला युक्तिवाद ग्राह्य मानून जामिनावर मुक्तता केली तसेच अॅड.प्रणाली मोरे, अॅड.विनय मांडकुलकर, अॅड.वृषांग जाधव, अॅड.सुयश गवंडे यांनी काम पाहिले.

आरोपी यांस दि.२५/०९/२०२५ रोजी अटक करण्यात आली व आरोपीन विरुद्ध भारतीय न्याय संहिता कलम ३१८(४) अन्वये गुन्हा दाखल केला सदर गुन्ह्याच्या कामी आरोपीयांस मालवण येथील मे.न्यायालयात दि.२६/०९/२०२५ रोजी हजर केले असता मे.न्यायालयाने रोज आरोपियांची १ दिवसाची पोलीस कस्टडी दिली व दि.२७/०९/२०२५ रोजी आरोपी यांस न्यायालयीन कोठीडीत रवानगी केली.

सदर गुन्ह्याची हकीगत अशी की, दि. १४/०९/२०२५ रोजी १०.३० वाजताच्या मानाने फिर्यादी कडील ए.टी.एम कार्ड ने पैसे काढण्यासाठी मालवण स्टेट बँक ऑफ इंडिया शाखेच्या ए.टी.एम मध्ये आरोपी क्र.१ यांनी फिर्यादी यांची कार्ड स्वतःकडे ठेवून त्यांची फसवणूक केली व आरोपी क्र.१ व २ यांनी एकमेकांच्या संगनमताने फिर्यादी यांच्या ए.टी.एम कार्डचा वापर करून त्यांचे खात्यातून रक्कम- १७०००/- रुपये काढून घेऊन फसवणूक केली.

सदर गुन्ह्याच्या कामी आरोपी क्र.१. किरण बाळू चव्हाण व आरोपी क्र.२.मारुती गोविंद सुरवसे तर्फे ॲड. विवेक मांडकुलकर यांनी मालवण येथील मे.न्यायालयात दिनांक २७/०९/२०२५ रोजी आरोपी क्र.१ व २ चा जामीन अर्ज दाखल केला व त्याची सुनावणी २७/०९/२०२५ रोजी झाली. मे.न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य त अटी-शर्तीवर व रक्कम रु.१५ हजार रक्कमेच्या जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.