🛑साटेली – भेडशी बाजारपेठेत दुकानाला आग लागून भस्मसात झालेल्या दुकान व्यावसायिकाला भाजपचे युवा नेते विशाल परब यांचा मदतीचा हात.

🖋️लोकसंवाद /- दोडामार्ग.

साटेली – भेडशी बाजारपेठेत काही दिवसांपूर्वी भाजी पाल्याच्या दुकानाला आग लागून कलैया हिरेमठ या भाजी विक्रेत्या युवकाचे मोठ्या प्रमाणावर नुकसान झाले होते.सदर घटना भाजपचे युवा नेते विशाल परब यांना समजता दोडामार्ग दौऱ्यावर असलेल्या विशाल परब यांनी घटना स्थळाची पाहणी करत कलैया हिरेमठ या युवकाला आर्थिक मदत करत धीर दिला,तसेच आपण युवा वर्ग जर उद्योग धंदे करत असतील तर आपण त्यांच्या सदैव पाठीशी उभे राहू असा विश्वास त्यांनी यावेळी बोलताना व्यक्त केला.

यावेळी त्यांच्या सोबत भाजपचे तालुका अध्यक्ष दिपक गवस, मा.तालुका अध्यक्ष रंगनाथ गवस, देवा शेटकर, संजय सातार्डेकर, मिलिंद धर्णे, गणपत डिंगणेकर, नारायण धर्णे, सागर धर्णे, संदु धर्णे यांसह पदाधिकारी कार्यकर्ते उपस्थित होते.