🛑दोडामार्ग तालुक्यातील माड बागायती हत्तींकडून उद्ध्वस्त.

🖋️लोकसंवाद /- दोडामार्ग.

दोडामार्ग तालुक्यातील पाळये येथील शेतकरी शरद मणेरीकर यांची नारळाची बाग रानटी हत्तींनी उद्धवस्त केली. बुधवारच्या झालेल्या या घटनेत शरद मणेरीकर यांच्या बागेत जवळपास २५ वर्षांची १३ मोठी आणि ३ ते ४ वर्षांची १२ छोटी नारळाची झाडे उखडून टाकण्यात आली. त्यामुळे त्यांचे मोठे आर्थिक नुकसान झाले आहे. तिलारी खोऱ्यात रानटी हत्तींचा उच्छाद सध्या सुरुच आहे. शेतकरी हत्तींच्या या नुकसानीमुळे त्रस्त झाले आहेत. बुधवारी रात्री अचानक हत्ती येऊन त्यांनी मोठे माड जमीनदोस्त केले आहेत. शिवाय या घटनेमुळे काजूच्या कलमांनाही मोठा धोका निर्माण झाला आहे. कारण तीदेखील माडामुळे मोडली गेली आहेत. वनविभागाला याबाबत माहिती दिल्याचे मणेरीकर यांनी सांगितले.