🛑माजी नगराध्यक्ष तथा नगरसेविका सौ आफरीन करोल यांच्या सततच्या पाठपुराव्याला अखेर यश.

◼️कुडाळ रेल्वे कॉलनीकडील रेल्वे ब्रिज पर्यंतच्या सर्व रस्त्यांचे खड्डे काँक्रीट ने बुजून डागडुजी.

🖋️लोकसंवाद /- कुडाळ.

गेले कित्येक महिने कुडाळ रेल्वे स्टेशन ते मालवण मुख्य रस्त्यास जोडणाऱ्या रस्त्यावर रेल्वे कॉलनी जवळ असलेल्या ब्रिज खाली व रेल्वे पावर हाऊस जवळ खड्ड्यांचे साम्राज्य पसरलेले होते.या ठिकाणी दिवसाला दोन तरी अपघात नेहमी होत असतात.रेल्वे प्रशासनाशी भाजप नगरसेविका आणि माजी नगराध्यक्षा आफरीन करोल तसेच भाजप नगरसेविका श्रेया गवंडे यांनी वारंवार संपर्क साधून या ठिकाणचे खड्डे बुजवण्या साठी विनंती केली होती.परंतु रेल्वे प्रशासन दखल घेत नव्हते.त्यानंतर माजी नगराध्यक्ष सौ.आफरीन करोल यांनी रेल्वे प्रवासी संघटनेच्या मार्फत रेल्वे प्रशासनाला लवकरात लवकर खड्डे बुजवले नाहीत तर नागरिकांमध्ये रोष निर्माण होईल व आंदोलन करण्यात येईल असेही बजावले होते.परंतु या रस्त्याच्या मेंटेनन्स चे काम हे सार्वजनिक बांधकाम विभागाकडे वर्ग केलेले आहे तसा एमओयु रेल्वे प्रशासनाने सार्वजनिक बांधकाम विभागा सोबत केलेला आहे असे सांगण्यात आले.त्याप्रमाणे सौ आफरीन करोल यांनी सार्वजनिक बांधकाम विभागाला लेखी निवेदन देऊन या रस्त्याची डागडुजी त्वरित करण्यास सांगितली परंतु सार्वजनिक बांधकाम विभाग कुडाळ यांनी या रस्त्याच्या मेंटेनन्स चे काम आपल्याकडे नाही त्यामुळे आम्ही ते करू शकत नाही असे उत्तर दिले.कुडाळ रेल्वे स्टेशन हे सिंधुदुर्ग जिल्ह्याचे मध्यवर्ती रेल्वे स्टेशन असून गणेश चतुर्थी सणासाठी हजारो चाकरमानी हे कोकणाकडे येत असतात आणि कुडाळ रेल्वे स्टेशन कडे सर्वात जास्त चाकरमानी रेल्वेने उतरतात.तसेच रेल्वे कॉलनी जवळ तुपटवाडी येथे गणेश विसर्जन घाट असल्यामुळे कुंभारवाडी नाबरवाडी आणि तुपटवाडी येथील गणपती विसर्जन हे या गणेश घाटाकडे होत असते विसर्जना वेळी या रस्त्यावरील खड्ड्यांमुळे कोणताही अनर्थ होऊ नये.त्यामुळे या रस्त्याची डागडुजी ही त्वरित करण्यात यावी म्हणून मा.नगराध्यक्षा तथा नगरसेविकाआफरीन करोल यांनी रेल्वे प्रशासनाकडे वारंवार पाठपुरावा केला. तसेच सन्माननीय पालकमंत्री श्री नितेश जी राणे साहेब यांच्याकडेही भाजप नगरसेविका आफरीन करोल आणि नगरसेविका श्रेया गवंडे यांनी यासंदर्भात निवेदनही दिले.या पाठपुराव्याला यश आलेले आहे रेल्वे प्रशासनाने कुडाळ रेल्वे कॉलनी ब्रिज खालील रस्त्यावर काँक्रिटीकरण करून सदरचा रस्ता दुरुस्त करून दिलेला आहे तसेच कुडाळ रेल्वे स्टेशन ते रेल्वे कॉलनीकडील रेल्वे ब्रिज पर्यंतच्या सर्व रस्त्यांचे खड्डे काँक्रीट ने बुजून डागडुजी केलेली आहे.यामुळे या रस्त्यावरून प्रवास करणाऱ्या स्थानिक नागरीक, तसेच वाहनचालक ,रिक्षाचालक यांनी मा नगराध्यक्ष तथा नगरसेविका आफरीन करोल यांचे आभार मानले आहेत.