🛑कुडाळ शहराच्या पर्यटन विकासाबाबत सामाजिक कार्यकर्ते दादा नेवाळकर यांनी वेधले आमदार निलेश राणे यांचे लक्ष!

🖋️लोकसंवाद /- कुडाळ.

कुडाळ शहराच्या सध्याचा विकास पाहता गेल्या 10 वर्षांमध्ये विकास झाला नाही.कुडाळ शहरासाठी पर्यटन जर आले तर राहण्याची सोय अपुरी असून मुलांना खेळण्यासाठी योग्य मैदाना असावे.कुडाळ शहरात पर्यटकासाठी प्रसिद्ध अशी भंगसाळ नदी वाहते त्या नदीचा पर्यटनासाठी वापर व्हावा,तसेच भंगसाळ नदीचा जुना ब्रिज पडलेला असून त्या ठिकाणी वेंगुर्ला बंदर येथे झुलता पूल केला आहे.त्याप्रमाणे प्रकाशझोतातील ब्रिज उभा केल्यास भविष्यात पर्यटनासाठी उपयोग होऊ शकतो. तसेच सदरचा ब्रिज गणपती घाट ते महापुरुष मंदिर मंदिर पर्यंत रस्ता तयार करणे आवश्यक आहे,तसेच बाजूने फुटपाथ करून बोटिंग ची सुविधा केल्यास पर्यटनास वाव मिळू शकतो.तसेच कुडाळ घोडेबाव विहीर इतिहासकालीन असून त्या ठिकाणी सुशोभीकरण झाल्यास, विकास केल्यास पर्यटना चालना मिळेल. तसेच प्रसिद्ध नवनाथ मंदिर -डोंगर (पावशी) हे प्राचीन मंदिर असून जर तिथे रोपवेची सोय झाल्यास, नवीन एस. टी.डेपो पासून जाण्यास पर्यटनाच्या दृष्टीने नाविन्यपूर्ण होईल. आपल्या कार्यकाळा मध्ये हा बदल केल्यास सौंदर्य आणखीनच खुलून जाईल व पर्यटन व्यवसाय वाढीस लागेल.असे लेखीपत्र कुडाळ मालवण चे आमदार निलेशजी नारायण राणे यांना माजी ग्रामपंचायत सदस्य सामाजिक कार्यकर्ते श्री दादा नेवाळकर यांनी कुडाळ च्या विकासाठी लेखी निवेदन देऊन आमदार निलेश राणे यांचे लक्ष वेधले आहे.