🛑म्हैस आडवी आल्याने इर्टीका कारचा ताबा सुटल्याने अपघात.;युवकाचा जागीच मृत्यू.

🖋️लोकसंवाद /- कुडाळ.

रस्त्याच्या मधोमध अचानक म्हैस आडवी आल्याने इर्टीका कारचा ताबा सुटून झालेल्या अपघातात बाजूला बसलेल्या युवकाचा जागीच मृत्यू झाला.रोहन उर्फ अक्षय आत्माराम सावंत (वय १८) असे त्याचे नाव आहे.तर चालक चंद्रकांत परूळेकर (वय ३२) हा सुदैवाने बचावला.ही घटना काल रात्री ११ वाजण्याच्या सुमारास कुडाळ ते पाट रस्त्यावर माडयाची वाडी,करमळगाळू एसटी स्टॉप नजीक घडली.अपघात प्रकरणी निवती पोलीस ठाण्यात चालक परूळेकर याच्यावर गुन्हा दाखल करण्यात आला आहे.

याबाबत अधिक माहिती अशी की, यातील चालक परूळेकर हा आपल्या ताब्यातील इर्टिका कार घेऊन कामानिमित्त रात्री पाटेच्या वेळी जात होता.यावेळी माड्याचीवाडी एसटी स्टॉप नजीक आला असता अचानक म्हैस आडवी आली. त्यामुळे परूळेकर यांचा गाडीवरील ताबा सुटला आणि गाडी थेट रस्त्याच्या बाजूला जाऊन आदळली.यावेळी बाजूला बसलेला अक्षय याला गंभीर दुखापत झाल्यामुळे तो जागीच ठार झाला.याप्रकरणी स्वतःच्या दुखापतीसह रोहन याच्या मृत्यूस कारणीभूत ठरल्याप्रकरणी चालक चंद्रकांत परूळेकर यांच्यावर येथील निवती पोलीस ठाण्यात गुन्हा दाखल करण्यात आला आहे.याबाबतची फिर्याद कोचरा येथील कोचरा येथील दत्ताराम राणे यांनी दिली आहे.त्यानुसार अपघाताची नोंद करण्यात आली आहे.याबाबत अधिक तपास सहाय्यक पोलीस निरीक्षक भीमसेन गायकवाड करीत आहेत.