🛑कोल्हापूर आणि सिंधुदुर्ग जिल्ह्यात सर्वात जास्त पेट्रोल,डिझेल विक्री केल्याबद्दल लक्ष्मीनारायण पेट्रोल पंप यांना कंपनीकडुन पुरस्काराने सन्मानित.

🖋️लोकसंवाद /- समिल जळवी,कुडाळ.

इंडियन ऑइल कॉ.लि.गोवा डीव्हीजन ऑफीस गोवा यांचा पुरस्कार वितरण सोहळा शुक्रवार दिनांक 08.08.2025.रोजी कुडाळ येथील कोकोनट हॉटेल येथे इंडियन ऑइल कॉ.लि.गोवा कंपनीच्या प्रमुख मान्यवरांच्या उपस्थितीत गौरव कार्यक्रम पार पडला.यावेळी सिंधुदुर्ग,कोल्हापुर आणि रत्नागिरी या तीन जिल्ह्यातील पेट्रोल-डिझेल पंप यांचे डीलर उपस्थित होते.यावेळी 2024 -25 या वर्षात सर्वात जास्त सेल करणाऱ्या डीलर यांना पुरस्कार देऊन त्यांचा सन्मान करून त्यांना गौरविण्यात आले.यावेळी इंडियन ऑईल रिटेल सेल हेड मधुरेन्द्र पांडे, सिनियर मॅनेजर श्री.शहीन,श्री.निलेश ठाकरे, श्री. रोहित कांबळे,श्री. शुभम सागवेकर,श्री.विकास सैनी,तसेच सिंधुदुर्ग,रत्नागिरी आणि कोल्हापूर पेट्रोल, डिझेल पंप डीलर उपस्थित होते.

यावेळी इंडियन ऑइल गोवा डिव्हिजन ऑफिस अंतर्गत असणाऱ्या सिंधुदुर्ग सेल्स एरिया मधून कुडाळ मधील लक्ष्मीनारायण पेट्रोल पंप कुडाळ यांना सर्वात जास्त पेट्रोल, डिझेल आणि जादा ग्रीन डिझेल विक्री केल्याबद्दल या तीन पुरस्काराने सन्मानीत करण्यात आले.ही निवड 2024-25 या वर्षातील कोल्हापुर आणि सिंधुदुर्ग या दोन जिल्ह्यातील सर्वाधिक विक्री करण्यात येणाऱ्या पंपांमधुन करण्यात आली.यावेळी श्री.पालव पेट्रोलियम हुमरमळा यांना सर्वात जादा पावर कार्ड विक्री यासाठी गौरवण्यात आले. आणि देवगड तालुका खरेदी विक्री संघ यांना सर्वात जास्त डिझेल विक्री वाढ साठी गौरवण्यात आले. तसेच श्री. मंगल ऐजन्सी राजापूर यांना सर्वात जास्त ऑइल विक्री साठी त्यांना गौरवण्यात आले. या कार्यक्रमाचे आभार श्री.निलेश ठाकरे यांनी मानले.