🛑म्हापण-विठ्ठल मंदिरात शनिवारी २ तारीखला हरिनाम सप्ताह.

🖋️लोकसंवाद /- कुडाळ.

म्हापण:- वेंगुर्ले तालुक्यातील म्हापण पंचक्रोशीतील म्हापण खालचीठाकुरवाडीतील विठ्ठल रखुमाई मंदिर येथे शनिवारी २ रोजी हरिनाम सप्ताह होणार आहे हे मंदिर जुने असुन त्याला संत सांप्रदायाचा वारसा आहे म्हापण गाव हे तसे संत भुमी म्हणून देखिल ओळखले जाते या गावात अनेक प्राचीन मंदिरे आहेत अनेक ऐतिहासिक वारसे आहेत तथा या गावात संपूर्ण वर्षभर कोणताना कोणता धार्मिक व आध्यात्मिक कार्यक्रम चालुच असतात त्यामुळे येथिल लोक हे धार्मिक असुन आपली संस्कृती जोपसुन ठेवलेली आहे याच गावात संत भालचंद्र महाराज,संत काका ठाकुर या संताचा जन्म झाला तसाच संत नामदेव महाराज व संत दत्तगिरी महाराज संत श्रीखंडेय संत राऊळ महाराज यांचे या गावात वास्तव्य असायचे त्यातीलच एक संत म्हणजे संत कान्होबा आणि संत चेकुबाई हे दोघेही संत विठ्ठल भक्त होते त्यांनी म्हापण मधिल खालची ठाकुर वाडी येथे विठ्ठल रखुमाई मंदिराची स्थापना करून प्राणप्रतिष्ठापणा केली व तेथे उत्सव सुरू केले दरम्यान संत कान्होबांनी तेथे संजिवन समाधी घेतली परंतु त्यांनी सुरू केलेले उत्सव आजही अविरत चालु असुन म्हापण गावातील ग्रामस्थ एकत्र येऊन येथे आषाढी व कार्तिकीचे उस्तव साजरे करतात व श्रावण महिन्यात येथे हरिनाम सप्ताह असतो‌ यंदा मंदीराचा जिर्णोद्धार झाला असुन त्यानंतर हा प्रथमच हरिनाम सप्ताह होणार असुन तो शनिवारी २ ऑगस्ट रोजी संपन्न होणार आहे या निमित्ताने सकाळी ७ वा. श्रींची पुजा व धार्मिक विधी, ९ वा. कलश स्थापन व पुजन, स. ९:३० वा. ग्रामस्थांची भजने ११ वा. निवती महिला भजन मंडळ यांचे भजन,दु. १:३० वा. शांतादुर्गा-सिद्धेश्वर महिला भजन मंडळ म्हापण यांचे भजन, दु. २:३० वा. दर्यावर्दी वारकरी भजन मंडळ खवणे यांचे वारकरी भजन, सां. ४ वा. म्हापण कोनीवाडी यांचे भजन, ६ वा. श्री देव ब्राह्मण वारकरी भजन मंडळ पागेरे यांचे भजन, रात्रौ.८ वा. विठ्ठल रखुमाई वारकरी भजन मंडळ म्हापण यांचे भजन, रात्रौं ९:३० वा. राऊळकर भजन मंडळ मायणे यांचे भजन, रात्रौं १०:३० वा. भवानी भजन मंडळ खडपी यांचे भजन रात्रौं १२ वा. श्री दिवाकर पाटकर बुवा (म्हापण), श्री संदेश सामंत बुवा (झाराप), श्री समीर तेंडोलकर बुवा (झाराप) व सहकारी यांचे संगीत गायन, पहाटे ४:३० वा. खोत वारकरी भजन मंडळ म्हापण यांची काकड आरती व त्यानंतर रामदासी भजने व नंतर श्रींचा महाआरती करून कलशदेवता विसर्जन करून हरिनाम सप्ताहाची सांगता होणार आहे तरी सर्व हरिभक्तांनी या कार्यक्रमाला उपस्थित राहुन श्रीहरींचा सानिध्याचा लाभ घ्यावा असे आवाहन करण्यात आले आहे.