🛑डॉ.रवींद्रनाथ रेडकर यांनी कवड्या सापाला दिले जीवनदान.

🖋️लोकसंवाद /- सावंतवाडी.

सातार्डा-भोमवाडी येथील प्रसिद्ध सर्पअभ्यासक डॉ. रवींद्रनाथ रेडकर यांच्या घरात एक कवड्या साप आढळून आला.त्यांच्या घरातील एका खोलीत दिसलेल्या या सापाला डॉ. रेडकर यांनी सुरक्षितपणे पकडून नैसर्गिक अधिवासात सोडले.

डॉ. रेडकर यांनी नागरिकांना आवाहन केले आहे की,घरात साप दिसल्यास त्याला मारू नका.त्याऐवजी तात्काळ सर्पमित्रांशी संपर्क साधावा.साप घरात शिरल्यास घाबरून न जाता,सर्पमित्रांच्या मदतीने त्याला सुरक्षितपणे नैसर्गिक वातावरणात सोडणे महत्त्वाचे आहे.

◼️कवड्या सापाबद्दल माहिती..

आढळलेला कवड्या साप साधारण एक फूट लांबीचा होता.या सापाची कमाल लांबी २ फूट ७इंच पर्यंत असते. याचा रंग काळसर तपकिरी किंवा काळा असून, मानेजवळ एक रुंद पांढरा पट्टा असतो. उर्वरित शरीरावर पांढरे पट्टे असतात जे शेपटीकडे फिकट होत जातात. याचे डोके चपटे व रुंद असून ते मानेपेक्षा वेगळे दिसते.कवड्या सापाच्या अंगावर एक प्रकारची चकाकी असते.