🛑नानेली प्राथमिक शाळा ढेपगाळू येथे आरोग्य कार्यशाळा संपन्न.

🖋️लोकसंवाद /- समिल जळवी,कुडाळ

इकिगाई फाउंडेशन सिंधुदुर्ग आणि कोरो इंडिया या संस्थेच्या वतीने नानेली खाजगी प्राथमिक शाळा ढेपगाळू येथे आरोग्य कार्यशाळा व जनसंवाद कार्यक्रम आयोजित करण्यात आला होता.यावेळी रानभाजी आणिनौषधी अभ्यासक रामचंद्र शृंगारे,प्रा.आरोग्य केंद्राच्या ममता पवार, संस्थेचे अध्यक्ष दीपक जाधव,नानेली सरपंच वंदना धुरी, -आरेकर,ग्रामपंचायत अधिकारी चेतना म्हडगूत, शिक्षिका गोलतकर, अंगणवाडी सेविका संचिता धुरी, आशा सेविका अर्पिता धुरी, संस्था प्रतिनिधी दिव्या राऊळ यांसह महिला ग्रामस्थ आणि शालेय विद्यार्थी उपस्थित होते.

यावेळी श्री. शृंगारे यांनी आपल्या परिसरात उपलब्ध असणाऱ्या विविध रानभाज्यांचे आहारातील महत्व व रान भाज्यातील औषधी गुणधर्म यांची सविस्तर माहिती दिली. सौ.ममता पवार आरोग्य कर्मचारी यांनीही महिलांना आरोग्य संदर्भात जनजागृती करून माहिती सांगितली. तसेच इकीगाई फाउंडेशन, सिंधुदुर्ग चे संस्थाप्रमुख श्री. दीपक जाधव यांनी संस्था कोणकोणत्या विषयावर काम करत आहे याचे मार्गदर्शन केले. त्यामध्ये खाजगी प्राथमिक शाळेतील मुले यांनी राष्ट्रीयगीत. संविधान प्रास्ताविक वाचन करून कार्यक्रम सुरुवात करण्यात आला. विद्याथ्यांनी एक आरोग्य विषयक छोटी नाटिका सादर केली. महिलांचे सहभाग चागल्या प्रकारे लाभला. महिलांसाठी घरगुती उपचार रानभाज्या अशा दोन ऍक्टिव्हिटीज घेतल्या.उल्लेखनीय काम करणाऱ्या महिलांचा यावेळी मान्यवरांच्या हस्ते वृक्ष देऊन सन्मान करण्यात आला. कार्यक्रमाचे सूत्रसंचालन महिमा कदम यांनी तर आभार दिव्या राऊळ यांनी मानले.