🛑आंबोली मध्ये विजेचा खेळ-खंडोबा ग्रामस्थांना वीज अधिकाऱ्यांची उडवा-उडवीची उत्तरे.

🖋️लोकसंवाद /-आंबोली,विष्णू चव्हाण.

आंबोली मध्ये विजेचा खेळ-खंडोबा चालला आहे आणि यासंदर्भात त्यांना विचारणा केली असता महावितरण अधिकाऱ्यांची उडवा,उडवीची उत्तरे नागरिकांना मिळत आहेत.सावंतवाडी येथील संबंधित अधिकारी यांना लाईट संबंधित विचारपूस केली असता आमचे कोण काही करू शकत नाहीअशी उत्तरे अधिकारी देत आहेत.

आंबोली पर्यटन स्थळ असल्यामुळे पावसाळ्यात व्यावसायिक धारकांना विजेचा फटका बसला आहे.व्यावसायिकांचे नुकसान होत आहे.दोन वर्षांपूर्वी धोकादायक पोल बदला असे ग्रामपंचायत आंबोली तर्फे लेखी निवेदन देऊन पण आजपर्यंत कोणी याची दखल घेतलेली नाही.आणि हे जीर्ण झालेले धोकादायक पोल जरा, रस्त्यावर पडल्यास भीषण अपघात होण्याची दाट शक्यता आहे.त्यामुळे याला सर्वस्वी विद्युत महावितरण जबाबदार राहणार आहे.

दरवर्षीप्रमाणे यावर्षीही आंबोली येथिल वर्षा पर्यटनाला विजेच्या खेळखंडोबा मुळे नुकसानाची शक्यता आहे.विद्युत महावितरणच्याअधिकाऱ्यांचे बेताल वागणुकीमुळेआंबोली चौकुळ आणि गेळे या ठिकाणी सुव्यवस्थित विद्युत प्रवाह होत नाही.याबाबत कुडाळ येथील एक्झिक्युटिव्ह इंजिनिअर यांच्या यांनी दखल घेणे असे निवेदन आंबोली ग्रामस्थ यांनी दिले आहे.