🛑भारतातील पहिल्या निवती येथिल 50 कोटीच्या जलपर्यटन प्रकल्पाचा मुहूर्तमेढ सोहळा उद्या होणार.

🖋️लोकसंवाद /- सावंतवाडी.

पर्यटनाच्या दृष्टीने सिंधुदुर्गच्या इतिहासात मानाचा तुरा खोला जाणाऱ्या निवती येथील समुद्र तळाशी स्थापित होणाऱ्या भारतातील पहिल्या जलपर्यटन प्रकल्पाचा मुहूर्तमेढ सोहळा ऑनलाईन पद्धतीने मुख्यमंत्री देवेंद्र फडणवीस यांच्या हस्ते संपन्न होणार आहे, अशी माहिती माजी मंत्री तथा आमदार दीपक केसरकर यांनी दिली. हा पर्यटन प्रकल्प यशस्वी होणार असल्यामुळे त्या ठिकाणी पर्यटनाला मोठा वाव मिळणार आहे. माजगाव डॉक या कंपनीच्या माध्यमातून याचे काम होणार आहे. पोषक हवामान बघून लवकरच ही बोट पाण्यात उतरली जाईल, असे त्यांनी सांगितले.आज येथे आयोजित पत्रकार परिषदेत श्री. केसरकर यांनी ही माहिती दिली. यावेळी ते म्हणाले, उद्या होणारे उद्घाटन ऑनलाइन पद्धतीने होणार आहे. यावेळी

उप मुख्यमंत्री एकनाथ शिंदे, अजित पवार, पर्यटन मंत्री शंभूराज देसाई, पर्यटन राज्यमंत्री इंद्रनील नाईक, पालकमंत्री नितेश राणे मंत्री, खासदार नारायण राणे यांची मुख्य उपस्थिती राहणार आहे. तसेच आमदार निरंजन डावखरे, ज्ञानेश्वर म्हात्रे, निलेश राणे यांची प्रमुख उपस्थिती राहणार आहे. तसेच अतुल पाटणे प्रधान सचिव पर्यटन, डॉ. बी.एन.पाटील संचालक, पर्यटन संचालनालय, डॉ. माणिक दिवे मुख्य कार्यकारी अधिकारी जि.प. सिंधुदुर्ग, मनोजकुमार सुर्यवंशी व्यवस्थापकीय संचालक, अनिल पाटील जिल्हाधिकारी, सिंधुदुर्ग, मोहन दहिकर जिल्हा पोलीस अधीक्षक, सिंधुदुर्ग यांची उपस्थिती राहणार आहे. यावेळी उपस्थित राहण्याचे आवाहन संजय ढेकणे, क्षिप्रा बोरा, दिपक माने आदी अधिका वर्गान केले आहे.