🛑आंबोली घाटात वर्षा पर्यटन स्थळी वनविभागाच्या ठेकेदाराचे बोगस काम.

🖋️लोकसंवाद /- आंबोली.

वर्षा पर्यटनासाठी वनविभागाने लोखंडी शिड्यांना नैसर्गिकपणा येण्यासाठी केलेला सिमेंटचा मुलामा पावसाच्या अगोदरच निखळून पडला आणि यातून ठेकेदाराचे व ठेकेदाराला पाठीशी घालणाऱ्या अधिकाऱ्यांचे पितळ उघडे पडले.मुख्य धबधब्याकडे पर्यटकांची प्रचंड गर्दी होत असल्याने घाटातील इतर धबधब्याकडे जाण्यासाठी लोखंडी शिड्या बसवण्याचे काम वनविभागाकडून गेल्या वर्षीपासून सुरू आहे.त्यामुळे घाटातील इतर धबधब्यांकडे सुद्धा पर्यटक गर्दी करू लागले.वन विभागाने तयार केलेल्या या लोखंडी शिड्या पर्यटकांसाठी फायदेशीर ठरत आहेत.मात्र या लोखंडी शिड्यांना सिमेंटचा वापर करून कृत्रिम रित्या लाकडाचे नक्षीकाम केले गेले ते अवघ्या दोन महिन्यापूर्वी केलेले हे नक्षीकाम तुटून पडले आहे.या ठेकेदारावर वनविभागाने कोणती कारवाई केली? हे मात्र गुलदस्त्यातच आहे.शासकीय निधीची असे वाताहत होत असल्याचे बघून पर्यटकांनी मात्र नाराजी व्यक्त केली जात आहे.