🛑सिंधुदुर्गात अवेळी आलेल्या पावसामुळे सर्वाचीच उडवली तारांबळ.

🖋️लोकसंवाद /- कुडाळ.

तब्बल अर्धा महिना आधी विक्रमी सुरुवात करून,गेले तीन दिवस पडत असलेल्या धुवांधार पावसामुळे,सिंधुदुर्ग जिल्ह्यातील शेतकरी,व्यापारी आणि सर्वाचेच मोठे नुकसान झाले आहे.जुनमध्ये बरसणारा पाऊस मे महिन्याच्या शेवटच्या आठवड्यात मृग नक्षत्राप्रमाणे बरसत असुन,ऊधाणामुळे कोंडुरा येथील समुद्राची गाज परिसरात ऐकायला मिळत आहे.

यामुळे मात्र पारंपरिक पद्धतीने रतांबे, त्यापासुन सोल बनविणे,आदी पिक हातचे जाण्याची भिती ही शेतकऱ्यांना व्यक्त होत आहे.यंदा रतांबे-, रतांबे बी, काजु बी आदी पिकांला गत वर्षीच्या तुलनेत चांगला दर मिळत आहे.परंतु या अचानक पणे मे. महिन्यात बरसणाऱ्या मुसळधार पावसामुळे ते हातचे जाण्याची शक्यता आहे.सध्या,गावा गावातील कृषी संघात तसेच तालुक्याच्या ठिकाणी रासायनिक व सेंद्रिय खतांची मात्र उपलब्धता योग्य झालेली दिसून येत आहे.एकुणच काय सर्वाना चकवा देत पावसाने अवेळी हजेरी लावून सर्वाचीच तारांबळ उडवली आहे.