🛑चौके येथे एसटी बस व डंपर यांच्यात अपघात;बस चालक सुदैवाने बचावला,बसचे नुकसान.

🖋️लोकसंवाद /- चौके.

एसटी बस व डंपर यांच्यात समोरासमोर धडक बसून अपघात झाला सुदैवाने एसटी बसचा चालक या अपघातातून बचावला. मात्र चालकाच्या बाजूच्या दर्शनी भागाचे मोठ्या प्रमाणात नुकसान झाले. हा अपघात चौके-नारायणवाडी येथील रस्त्यावर झाला.याबाबत घटनास्थळावरून मिळालेली माहिती अशी मालवण आगाराची एसटी बस ही दुपारी कुडाळ येथून मालवणच्या दिशेने येत होती.याचवेळी चौके येथून धामापूरच्या दिशेने जाणाऱ्या डंपर यांच्यात चौके नारायणवाडी येथील रस्त्यावर समोरासमोर जोरदार धडक बसली. या धडकेत एसटी बसचा चालक किरकोळ जखमी होऊन बचावला. बसमधील प्रवाशांना किरकोळ दुखापती झाल्या. मात्र अपघातात एसटी बसचे चालकाच्या बाजूने दर्शनी भागाचे मोठ्या प्रमाणात नुकसान झाले. चालक, वाहक आणि किरकोळ जखमी प्रवाशांना प्राथमिक उपचारासाठी दवाखान्यात नेण्यात आले. बस चालक आणि वाहक यांनी या अपघाताची माहिती मालवण एसटी आगारास दिली. एसटी प्रशासनाकडून पुढील कार्यवाही करण्याची प्रक्रिया सुरू होती.