🛑त्या दोन महसूली कर्मचाऱ्यांना बडतर्फ करा.;परशुराम उपरकर.

🖋️लोकसंवाद /- कणकवली.

सिंधुदुर्ग दौऱ्यावर आलेले मुख्यमंत्री देवेंद्र फडणवीस यांचे स्वागत करणाऱ्या त्या दोन महसूल अधिकाऱ्यांचे निलंबन नव्हे तर त्यांना सेवेतून बडतर्फ करायला हवे अशी मागणी माजी आमदार परशूराम उपरकर यांनी आज केली. तसेच मुख्यमंत्र्यांना व्हीआयपी सुरक्षा आहे. ही सुरक्षा भेदून ते दोघे मुख्यमंत्र्यांपर्यंत पोचले कसे? असाही सवाल श्री. उपरकर यांनी केला.

येथील आपल्या संपर्क कार्यालयात श्री. उपरकर यांनी पत्रकार परिषद घेतली. ते म्हणाले, महसूल कर्मचारी एस.पी. हांगे आणि व्ही. व्ही. कंठाळे यांच्यावर लाचखोरीचा गुन्हा दाखल आहे. त्यांनी सुरक्षा कर्मचाऱ्यांना न जुमानता तसेच जिल्हाधिकाऱ्यांनी स्वागत करण्यापूर्वी हेलीपॅडवर मुख्यमंत्र्यांचे जाऊन स्वागत केले. त्यामुळे वरिष्ठ अधिकारी कुचकामी आहेत असाच मेसेज सर्वत्र गेला आहे. खरं तर कोणताही शासकीय आदेश नसताना सुरक्षा यंत्रणा भेदून जाणाऱ्या त्या दोघांची पोलिसांनी चौकशी करायला हवी. त्याचबरोबर जिल्हाधिकारी, प्रांताधिकारी यांनी चौकशी करून त्यांना बडतर्फ करायला हवे.