🛑मुंबई गोवा महामार्गावर इंदापूर व माणगाव येथे वाहनांच्या रांगा,दोन ते तीन तास खोळंबा;प्रवाशांना मनस्ताप.

🖋️लोकसंवाद /- चिपळूण.

मुंबई गोवा राष्ट्रीय महामार्ग हा प्रवासी व वाहन चालकांसाठी डोकेदुखी ठरत आहे.शुक्रवारी सकाळी दहा वाजल्यापासून इंदापूर व माणगाव येथे वाहनांच्या तीन ते चार किलोमीटर लांब रांगा लागल्या होत्या.यामुळे प्रवाशांची मोठी गैरसोय झाली.तब्बल दोन ते तीन तास प्रवाशांचा खोळंबा झाला. त्यामुळे प्रवाशांना मनस्ताप झाला.

मुंबई गोवा महामार्गाचे सुरू असलेले काम आणि परिणामी या ठिकाणी झालेला अरुंद रस्ता तसेच नियमांचे उल्लंघन करून पुढे जाणारे वाहन चालक यामुळे वाहतूक कोंडी अधिक जटील झाली होती.मात्र मुंबई गोवा महामार्गामुळे त्यांचा मोठा हिरमोड झाला. इंदापूर व माणगाव येथे जवळपास चार ते पाच किलोमीटर लांब वाहनांच्या रांगा लागल्या होत्या.त्यामुळे जवळपास दोन ते तीन तास वाहन चालकांना व प्रवाशांना खोळंबावे लागले.