खासदार नारायण राणे यांच्या वाढदिवसा निमित्त 10एप्रिलला होणार क्रीडा महाकुंभ सोहळा..

लोकसंवद /- कुडाळ.

महाराष्ट्र राज्याचे माजी मुख्यमंत्री,माजी केंद्रीय मंत्री,खासदार आदरणीय श्री.नारायणराव राणे साहेब यांचा 10 एप्रिलला होणाऱ्या वाढदिवसाच्या निमित्ताने कुडाळ तालुक्यात विविध कला, क्रीडा,सांस्कृतिक व समजोपयोगी कार्यक्रमांचे प्रत्येक जिल्हा परिषद गटात आयोजन करण्यात आले असून हा वाढदिवस अत्यंत उत्साहात साजरा करण्यात येणार आहे.

कुडाळ मध्ये पालकमंत्री सन्मा. श्री. नितेशजी राणेसाहेब, कुडाळ मालवणचे लोकप्रिय आमदार श्री. निलेशजी राणेसाहेब तसेच भाजपा जिल्हाध्यक्ष श्री. प्रभाकर सावंत साहेब, शिवसेना जिल्हाध्यक्ष श्री. दत्ता सामंत साहेब यांच्या मार्गदर्शनाखाली राज्यस्तरीय खुली रॅपिड बु‌द्धिबळ स्पर्धा तसेच सिंधुदुर्ग जिल्ह्यातील पहिली वहिली जिल्हास्तरीय सुपर सिक्स चॅलेंजर कॅरम स्पर्धा आयोजित करण्यात आली आहे.

राज्यस्तरीय खुल्या बु‌द्धिबळ स्पर्धेत एकूण 300 स्पर्धक सहभागी होतील. प्रथम पाच विजेत्यांना रोख बक्षिसे व आकर्षक चषक तसेच पहिल्या 50 स्पर्धेकांना रोख रक्कमेची बक्षिसे व मेडल्स देण्यात येणार आहेत. या स्पर्धेत सहभागी सर्व खेळाडूंना आकर्षक टी शर्ट आणि प्रमाणपत्र प्रदान करण्यात येणार आहेत. याशिवाय इतर उत्तेजनार्थ बक्षीसामध्ये 7 वर्षे ते 17 वर्ष वयोगटातील मुले व मुलींसाठी बक्षिसे ठेवण्यात आली आहेत. या स्पर्धेसाठी मुख्य ऑरबिटर म्हणून श्री. संजय कवळेकर (इंटर नॅशनल ऑरबिटर) हे काम पाहतील.

त्याचप्रमाणे सिंधुदुर्ग जिल्हा डिस्ट्रिक्ट कॅरम असोसिएशनच्या मान्यतेने सिंधुदुर्ग जिल्ह्यातील पहिली सुपर सिक्स चॅलेंजर कॅरम स्पर्धेचेही आयोजन करण्यात आले आहे. कॅरम स्पर्धेत एकूण 100 पेक्षा जास्त खेळाडू सहभागी होतील. या स्पर्धेतील पहिल्या चार क्रमांकासाठी रोख रक्कम व चषक तसेच इतर अनेक उत्तेजनार्थ बक्षिसे ठेवण्यात आली आहेत. सिंधुदुर्ग व गोवा येथील नामवंत पंच स्पर्धेसाठी उपलब्ध असतील. स्पर्धेचे मॉनिटरिंग डिस्ट्रिक्ट असोसिएशचे श्री. योगेश फणसळकर करतील.

बु‌द्धिबळ व कॅरम या दोन्ही स्पर्धा वासुदेवानंद संकुल, उद्यम नगर कुडाळ, हॉल नंबर 1 व 2, येथे दिनांक 10 एप्रिल रोजी सकाळी 8.00 ते सायं. 5.50 वा. पर्यंत संपन्न होतील.

स्पर्धेत भाग घेऊ इच्छिणाऱ्या खेळाडूंनी बु‌द्धिबळ स्पर्धेसाठी श्री. श्रीकृष्ण आडेलकर, मो. न. 9422381949 तर कॅरम स्पर्धेसाठी श्री. योगेश फणसळकर मो. नं. 7620755766 यांच्याशी संपर्क करावा.

दिनांक 10 एप्रिलला होणाऱ्या या क्रीडा महाकुंभसाठी स्पर्धक खेळाडू व क्रीडारसिक यांनी मोठ्या संख्येने उपस्थित राहावे असे आवाहन श्री. संजय वेंगुर्लेकर आणि रुपेश कानडे यांनी आयोजकांच्या वतीने केले आहे.