कलाकार मानधन योजनेच्या सदस्य पदी मयुर गवळी यांची निवड.

लोकसंवाद /- सावंतवाडी.

कारिवडे गवळीवाडी येथील दशावतारातील सुप्रसिद्ध हार्मोनियम वादक तसेच भाव अंतरीचे हळवे दशावतारी लंगार फेम गवळीरत्न मा श्री महेंद्र (मयुर) एकनाथ गवळी यांची राजश्री शाहू महाराज ज्येष्ठ साहित्यिक व कलावंत सन्मान योजना जिल्हास्तरीय समितीमध्ये सिंधुदुर्ग जिल्हा पालकमंत्री मा ना नितेशजी राणे साहेब यांच्या शिफारशी नुसार व जिल्हा भाजपा सरचिटणीस मा. श्री महेशजी सारंग यांच्या प्रयत्नाने निवड करण्यात आली. या निवडीबद्दल जिल्हा भाजपा सरचिटणीस मा. श्री महेशजी सारंग व माजी जिल्हा परिषद अध्यक्षा श्रीम. रेश्मा सावंत यांनी त्यांचे अभिनंदन केले तसेच विविध स्तरातून शुभेच्छांचा वर्षाव होत आहे. राजश्री शाहू महाराज ज्येष्ठ साहित्यिक व कलावंत मानधन योजना ही महाराष्ट्र शासनाच्या सांस्कृतिक कार्य विभागाच्या माध्यमातून राबवली जाणारी एक महत्त्वाची योजना आहे. या योजनेअंतर्गत जेष्ठ साहित्यिक आणि कलावंत यांना आर्थिक सहाय्य आणि सन्मान दिला जातो.साहित्य, नाट्य, भजन संगीत, वारकरी संप्रदाय,लोककला इत्यादी क्षेत्रांत दीर्घकाळ योगदान दिलेल्या जेष्ठ कलाकार व साहित्यिकांना आर्थिक मदत प्रदान करणे.साहित्य किंवा कला क्षेत्रात 15 वर्षे काम करण्याचा अनुभव असणे आवश्यक आहे. 50 वर्षे किंवा त्याहून अधिक वयाचे पात्र ठरतात. उत्पन्न रुपये 60000 पेक्षा कमी असलेल्या कलाकार सदर योजनेचा लाभ घेऊ इच्छितात त्यांनी समिती सदस्य मा श्री महेंद्र (मयुर)एकनाथ गवळी यांच्याशी (मो.बा.84118 62580) संपर्क साधावा.