🛑कोलगांव येथे जुगार अड्ड्यावर धाड चार जण ताब्यात..

🖋️लोकसंवाद /- सावंतवाडी.

सावंतवाडी तालुक्यातील कोलगांव कुंभयाळवाडी येथे स्थानिक गुन्हे अन्वेषण विभागाच्या पथकाने जुगारावर धाड टाकली. पैसे लावून अंदर बाहर पट स्वरूपाचा जुगार खेळत असताना छापा टाकून ९२०० रोख रक्कमेसह जुगाराचे साहित्य व इतर मुद्देमाल पोलिसांनी ताब्यात घेतला. तर याप्रकरणी राजन गणपत देसाई (माठेवाडा, सावंतवाडी), सुरेश रघुनाथ नार्वेकर (सर्वोदय नगर), मनोज प्रभाकर नाईक ( कोलगांव, चव्हाटावाडी) व संतोष सहदेव राणे (लाडाची बाग) यांना पोलिसांनी ताब्यात घेतले. स्थानिक गुन्हे अन्वेषण विभागाचे निरीक्षक समीर भोसले यांच्या मार्गदर्शनाखाली हवालदार पालकर आदींनी ही कारवाई केली.