बिगर परवाना गैरकायदा बंदुक आपल्या घरी ठेवल्याचा आरोपाखाली आरोपीची निर्दोष मुक्तता;

लोकसंवाद /- कुडाळ.

गावमौजे हळदीचे नेरूर येथील कृष्णा मारुती नाईक यांची दि.26.03.2025 रोजी कुडाळ येथील मे. दिवाणी न्यायाधिश श्री.ढोरे साहेब यांनी बेकायदा बंदुकु बाळगल्याच्या आरोपाखाली निर्दोष मुक्तता केली.आरोपीतर्फे ॲड. विवेक भा.मांडकुलकर व ॲड.प्रणाली मोरे यांनी काम पाहीले.

याबाबत सविस्तर वस्तुस्थिती अशी की, दि. 25.02.2018 रोजी हळदीचे नेकर येथील कृष्णा मारुती नाईक हा चोरटा दारुची विक्री करतो अशा विश्वसनीय बातमी वरून, स्थानिक गुन्हा अन्वेशन शाखा सिंधुदुर्ग यांनी त्यांच्या घराची पंचासमाक्ष पाठीमागील झडती घेत असताना, पडवीत १ सिंगल बॅरल काडतुसाची बंदुक मिळून आली. बंदुकीचे परवाण्या बाबत विचारले असता, आरोपीने परवाना नसल्याचे सांगीतले. मु‌द्देमाल बंदुक जप्त करुन आरोपी विरुद्ध कुडाळ पोलीस ठाणे येथे भारतीय शस्त्र अधीनियम, 1959 चे कलम 3,25 (1- अ) प्रमाणे कायदेशीर फिर्याद दाखल करून गुन्हा दाखल करण्यात आला.

कुडाळ न्यायालयामध्ये आरोपी विरुद्ध दोषारोप पत्र पाठवण्यात आले. केसची आरोपी विरुद्ध चौकशी करण्यात आली. सरकार पक्षातर्फे दिलेला पुरावा ग्राह्य धरण्यायोग्य नसल्याने तसेच साक्षीदारांचा जबाबात विसंगती असल्याने आरोपी याला सबळ पुराव्या अभावी संशयाचा फयदा देऊन, व आरोपीचा वकिलांनी केलेला भुक्तीवाद ग्राह्य मानुन मे. न्यायालयाने आरोपीची निर्दोष मुक्तता केली. आरोपीतर्फे ॲड. विवेक. भा. मांडकुलकर व ॲड. प्रणाली मोरे यांनी काम पाहीले.