🛑मारहाणीच्या गुन्हयातील कुडाळ पोलीसांनी केले 24 तासाच्या आत दोषारोप पत्र दाखल.

🖋️लोकसंवाद /- कुडाळ.

समाजामध्ये अनेक ठिकाणी मारहाण करुन दुखापत केल्याबाबतच्या घटना घडतात. नागरीकांच्या तक्रारीची पोलीस ठाणे स्तरावर दखल घेवुन आरोपीत यांचे विरुदध गुन्हा नोंद करण्यात येतो. सदर गुन्हयाचा तपास करुन आरोपीत याचे विरुदध दोषारोप पत्र मा न्यायालयात सादर करण्यात येते त्यानंतर मा न्यायालयात आरोपीत याचे विरुदध न्यायालयीन प्रक्रीया सुरु होते.

ज्या नागरीकांवर अन्याय झालेला असतो अशा सामान्य नागरीकांना न्याय मिळणेकरीता विलंब होवु नये आरोपीत यास लवकरात लवकर शिक्षा व्हावी याकरीता दुखापतीसारखे गुन्हे पोलीस टाण्यात दाखल होताच त्याचा तात्काळ तपास करुन २४ तासाच्या आत दोषारोप पत्र मा न्यायालयात सादर करण्याबाबत मा पोलीस अधीक्षक सिंधुदुर्ग श्री सोरभकुमार अगरवाल, मा. अपर पोलीस अधीक्षक, सिंधुदुर्ग श्री कृषिकेश रावले यांनी सिंधुदुर्ग जिल्हयातील सर्व पोलीस ठाणे प्रभारी यांना आदेश केलेले होते.

कुडाळ पोलीस ठाणे हददीत दि. २५.०३.२०२५ रोजी सकाळी १०.०० वा. तक्रारदार श्री. काशिनाथ भीमशा कोळी वय ३० रा. दत्तनगर कुडाळ हे आपले घरी जात असताना गोधडवाडी ते दत्तनगर रोडवर शाहीद गोधड वय ३५ वर्षे रा. गोधडवाडी कुडाळ याने तक्रारदार यांना थांबवून काठीच्या सहाय्याने तक्रादार यांचे पाटीवर व पायावर मारहाण केली तसेच अर्वाच्च भाषेत तक्रारदार याना शिवीगाळो करुन जिवे टार मारण्याची धमकी दिली म्हणनू तक्रारदार श्री. काशिनाथ कोळी यांनी कुडाळ पोलीस ठाण्यात दिलेल्या तक्रारीवरुन दि.२५/०३/२०२५ रोजी १३.२९ वा. शाहीद गोधड वय ३५ वर्षे रा. गोधडवाडी कुडाळ याचेविरुध्द गुन्हा दाखल करण्यात आलेला होता. वरीष्टांनी दिलेल्या आदेशाप्रमाणे कुडाळ पोलीस ठाण्याचे पोलीस निरीक्षक श्री राजेंद्र मगदुम यांचे मार्गदर्शनाखाली पोहवा/सचिन गवस यांनी सदर गुन्हयाची तात्काळ दखल घेवून सदर गुन्हयाचा तपास सुरु करुन आरोपीत याचे विरुदध सबळ पुरावा गोळा करुन आज दि. २६/०३/२०२५ रोजी दोषारोप पत्र २४ तासाचे आंत मा. प्रथम वर्ग न्याय दंडाधिकारी, कुडाळ यांचे न्यायालयात दाखल केलेले आहे.

सदरची शिघ्र कारवाई ही मा. पोलीस अधीक्षक सिधुदुर्ग श्री सौरभ कुमार अग्रवाल, मा अपर पोलीस अधीक्षक श्री कृषिकेश रावले,मा उप विभागीय पोलीस अधिकारी श्री विनोद कांबळे, कुडाळ पोलीस ठाण्याचे पोलीस निरीक्षक श्री राजेंद्र मगदुम यांचे मार्गदर्शनाखाली कुडाळ पोलीस ठाण्याचे पोलीस हवालदार सचिन गवस यांनी केलेली आहे.