बिलजीनगरमधील गणपती सान्याची दुरुस्ती करा न.पं.च्या मुख्याधिकाऱ्यांकडे रहिवाशांची मागणी.

लोकसंवाद /- कणकवली.

कणकवली बिजलीनगर येथील गडनदीतील केटीबंधाऱ्यालगत असलेल्या गणपती सान्याचे नूतनीकरण व्हावे, अशी मागणी नगरपंचायतीच्या मुख्याधिकारी गौरी पाटील यांच्याकडे तेलीआळी व बिलजीनगरमधील नागरिकांनी निवेदनाद्वारे केली आहे.

निवेदनात म्हटले आहे की, बिजलीनगर येथील मराठा मंडळानजीक असलेल्या गडनदीवरील केटीबंधाऱ्यालगत असलेल्या गणपती सान्याची दुरवस्था झाली आहे. गणपती सान्यावर शहरातील २००-३०० गणेशमूर्तींचे विसर्जन होते.गतवर्षी याठिकाणी भक्तांना गणेशमूर्तींचे विसर्जन करताना अनेक अडचणींना सामोरे जावे लागले होत. त्यामुळे गणपती सान्याचे नूतनीकरण करण्यात यावे, अशी मागणी केली आहे. दरम्यान, गौरी पाटील यांनी गणपती सान्याची पाहणी केली. यावेळी शिवसेना ठाकरे पक्षाच्या युवासेनेचे जिल्हाप्रमुख सुशांत नाईक, सुहास परब, अक्षय परब, गौरेश डिचोलकर, महेश कोदे, अजित काणेकर, लक्ष्मण हाण्णीकोड आदी रहिवाशी उपस्थित होते.