🛑कवठी येथील बाळा करलकर यांचा राहत्या घरी खून झाल्याने खळबळ..

✍🏼लोकसंवाद /- कुडाळ.

कुडाळ तालुक्यातील कवठी- अन्नशांतवाडी येथील संदिप उर्फ बाळा दामोदर करलकर (वय-५२),या इसमाचा राहत्या घरातच रक्ताळलेल्या स्थितीत मृतदेह सापडून आल्याने खळबळ उडाली आहे.धारदार शस्त्राच्या सहायाने हा खुन केल्याचे स्पष्ट होत आहे.बाळा करलकर आपल्या घरात एकटाच राहत होता. त्याचा खून झाल्याचे घटनास्थळावरून स्पष्ट होते. वाडीत आणि शेजारी पाजारी यांच्याशी त्याचे कोणाशीच पटत नव्हते.त्याचा खून होऊन बरेच तास झाल्याचे पोलीसांनी सांगितले.घटनास्थळी उपविभागीय पोलिस अधिकारी विनोद कांबळे यांच्या नेतृत्वाखाली पोलिसांची टीम दाखल झाली आहे. गावात पोलिसांकडुन गुन्ह्याचा तपास सुरू असुन खुनाचे कारण मात्र अद्याप स्पष्ट झालेले नाही.परिसरात दाटीवाटीने घरे असूनही कोणीच पोलीसांना काय घडले हे कळविले नाही. संदिपची पार्श्वभूमी गुन्हेगारी स्वरूपाची असून त्याच्यावर मारहाण तसेच चोरी असे गुन्हे दाखल आहेत.