🛑ग्राहक पंचायत च्या मालवण तालुकाध्यक्षपदी श्रीकांत वेंगुर्लेकर यांची निवड.

✍🏼लोकसंवाद /- मालवण.

ग्राहक पंचायत महाराष्ट्र मालवण तालुका शाखेच्या अध्यक्षपदी श्रीकांत वेंगुर्लेकर यांची निवड करण्यात आली आहे.ग्राहक पंचायत महाराष्ट्र मालवण तालुका शाखेच्या १ एप्रिल २०२५ ते ३१ मार्च २०३० या पाच वर्षाच्या कालावधीसाठी कार्यकारणीची निवड मालवण शाखाध्यक्ष रत्नाकर कोळंबकर यांच्या अध्यक्षतेखाली शिवाजी वाचन मंदिर येथे आयोजित सर्वसाधारण सभेत करण्यात आली. यावेळी ग्राहकांच्या जिल्हा सहसचिव सुगंधा देवरुखकर जिल्हा कार्यकारणी सहसंघटक प्रमोद मोहिते उपस्थित होते.

निवडण्यात आलेली उर्वरित कार्यकारणी अशी उपाध्यक्ष – प्रताप बागवे, संघटक – नितीन वाळके, सह संघटक – महेश काळसेकर, सहसंघटक महिला वफा जमशेद खान, सचिव-निळकंठ मालणकर, सहसचिव महिला – सुनीता जाधव कोषाध्यक्ष सुरेल परब, प्रसिद्धी प्रमुख आप्पा मालंडकर, कार्यकारणी सदस्य एस. आर. मुणगेकर, दिलीप सांगवेकर, सल्लागार रामचंद्र काटकर, रत्नाकर कोळंबकर, प्रदीप सावंत, सुरेश चव्हाण.

यावेळी जिल्हा सहसचिव सुगंधा देवरुखकर यांनी जास्तीत जास्त सदस्य नोंदणी करण्याची सूचना केली. जिल्हा कार्यकारिणीच्या मार्गदर्शनाखाली ग्राहकांच्या हितासाठी विविध कार्यक्रमांचे आयोजन करण्याच्या सूचना देत संस्थेबाबत मार्गदर्शन केले. यावेळी मालवण शाखेच्या पुढील कालावधीसाठी निवडलेल्या पदाधिकाऱ्यांना पुष्पगुच्छ देऊन शुभेच्छा देण्यात आला. सभेत १५ मार्च रोजी जागतिक ग्राहक दिनाचे आयोजन करण्यासाठी तहसीलदारांना पत्र देण्याचा निर्णय घेण्यात आला. महावितरणने घरगुती वीज ग्राहकांना शंभर पेक्षा जास्त युनिट वीज वापरावर वाढविलेल्या दराबाबतही महावितरण कंपनीला पत्र देण्याचे निश्चित करण्यात आले.