🛑चीपी कालवंडवाडी येथील राहत्या घराला भिषण आग.;आगीत पूर्ण घर जळून बेचिराख.

✍🏼लोकसंवाद /- कुडाळ.

चीपी कालवंडवाडी येथील श्रीमती शुभप्रभा सीताराम चव्हाण व त्यांची विवाहित मुलगी वैभवी विजय पवार यांच्या राहत्या घराला काल सायंकाळी ७.३० सुमारास आग लागल्याने लाखोंचे नुकसान झाले.या आगीत पूर्ण घर जळून बेचिराख आहे.अचानक पणे लागलेली आग हि नेमकी कशाने लागली हे कारण स्पष्ट नसले तरी शॉर्टसर्किट मुळे आग लागल्याचे बोलले जात आहे.ज्यावेळी दुर्घटना घडली त्यावेळी घरात कोणी नसल्याने मोठा अनर्थ टळला.मात्र घरातील वस्तू, फर्निचर ,मौलवान वस्तू आगित जळून खाक झाल्याने लाखो रुपयांचे नुकसान झाले .
चीपी कालवंडवाडी येथील श्रीमती शुभप्रभा सीताराम चव्हाण व वैभवी विजय पवार यांचे हे घर. घराला आग लागल्याने घराचे प्रचंड नुकसान झाले सुदैवाने या दोन्ही महिला बचत गटाच्या मीटिंग ला गेल्याने बचावल्या आहेत.सदर घटनेची माहिती मिळताच चीपी सरपंच माया चव्हाण, ग्रामसेवक मंगेश नाईक, तलाठी दि .एस. गवते, पोलीस पाटिल संदेश पवार आदींनी घटनास्थळी भेट देऊन पाहणी केली. नुकसानीचा पंचनामा करण्यात आला. यावेळी कोतवाल रुक्मानंद वरक, सुनील राठीवडेकर आदी उपस्थित होते.सदर आगीत हे घर पूर्णपणे बेचिराख होऊन नुकसान झाले आहे. दरम्यान घटनेची माहिती मिळताच शिवसेना पक्षाचे उपजिल्हाप्रमुख सचिन देसाई आणि कुशेवाडा सरपंच निलेश सामंत यांनी आपद्ग्रस्तांना भेट देऊन पाहणी केली.