🛑महाराष्ट्र राज्य प्राथमिक शिक्षक समिती गुवत्तेला प्राधान्य देत विद्यार्थी आणि शिक्षकांच्या प्रश्नासंदर्भात आग्रही राहणार.;राजन कोरगावकर.

▪️शिक्षण,विद्यार्थी आणि शिक्षकांच्या प्रलंबित प्रश्नांबाबत पुणे येथे महाराष्ट्र राज्य प्राथमिक शिक्षक समिती पदाधिकाऱ्यांच्या वरिष्ठ अधिकारी महोदयांच्या भेटी…

✍🏼लोकसंवाद /- कुडाळ.

रविवार दि. १९ जानेवारी २०२४ रोजी महाराष्ट्र राज्य प्राथमिक शिक्षक समिती च्या राज्य कार्यकारिणीची बैठक कापुरहोळ-भोर (पुणे) येथे संपन्न झाली.त्यानंतर सोमवारी दि. २० जानेवारी रोजी *_राज्य नेते मा ‌ उदयराव शिंदे_* यांचे प्रेरक उपस्थितीत, राज्याध्यक्ष *विजय कोंबे,* , राज्य सरचिटणीस *_मा. राजन कोरगावकर_*,राज्य उपाध्यक्ष *_मा. राजन सावंत_* राज्य कार्यकारिणी सदस्य *_मा. विशाल कणसे_*, पुणे जिल्हा सरचिटणीस *_मा. संदीप जगताप_*, वर्धा तालुकाध्यक्ष *_मा. राजेश महाबुधे_* आणि वर्धा शिक्षक समिती परिवारातील बांधव *_मा. जयंत कल्लिरवार_* यांचे उपस्थितीत
राज्याचे शिक्षण आयुक्त *_मा. सचिन्द्र प्रताप सिंग साहेब_* (भा.प्र.से.), SCERT चे संचालक *_मा. राहुल रेखावार साहेब_* (भा.प्र.से.), शिक्षण संचालक (योजना) *_मा. डॉ. महेश पालकर साहेब_*, शिक्षण उपसंचालक (प्राथमिक) तथा पुणे बोर्डचे *_सचिव मा. देविदास कुलाळ साहेब_*, शिक्षण उपसंचालक (प्राथमिक) *_मा. रमाकांत काठमोरे साहेब_*, परिक्षा परिषदेचे सहाय्यक आयुक्त *_मा. मारुती फडके साहेब_* यांच्या विविध विषयानुषंगाने भेटी घेण्यात आल्या.
*मा. सचिन्द्र प्रताप सिंग साहेब* : आयुक्त (शिक्षण) – १५ मार्च संच मान्यता शासन निर्णय, पवित्र पोर्टल शिक्षक भरती, शैक्षणिक गुणवत्ता वाढीचा एकच उपक्रम, शैक्षणिक कामकाज प्रभावित करणारी अन्य कामे व Apps-Links, माहिती देण्यासाठी सप्ताहाचा एक दिवस निश्चित करणे,आणि खरोखरच लिंकचा अतिरेक झाल्यास सकारात्मक विचार केला जाईल असे सांगितले.शाळा स्तरावरील विविध समित्या आदी विषयांवर सविस्तर चर्चा झाली असून सर्व समित्यांचे कामकाज शाळा व्यवस्थापन च्या अंतर्गत केले जाईल.केंद्रप्रमुख, विस्तार अधिकारी रिक्त जागा शैक्षणिक अर्हताधारक प्राथमिक शिक्षकांतून पदोन्नतीने भरण्यात याव्या. अनेक जिल्ह्यातील शिक्षणाधिकारी, उपशिक्षणाधिकारी, गट शिक्षणाधिकाऱ्यांची रिक्त पदे भरण्यात यावी. शैक्षणिक अर्हताधारक प्राथमिक शिक्षकांना क्षेत्रीय अधिकाऱ्यांच्या पदासाठी पात्र धरावे. नगरपरिषद तसेच क आणि ड महानगर पालिकांमध्ये कार्यरत शिक्षकांच्या वेतनासाठी १००% अनुदान शिक्षण विभागाने देणे. नपा/ मनपातील शिक्षकांच्या सहाव्या आणि सातव्या वेतन आयोगाच्या थकबाकी अदायगीसाठी आवश्यक कार्यवाही करणे या संबंधाने सविस्तर चर्चा करण्यात आली. आगामी काळात निश्चितच योग्य बदल दिसतील अशी नि:संदिग्ध स्पष्टता मा. आयुक्त महोदयांनी दिली.
*मा. राहुल रेखावार साहेब* संचालक SCERT) : – वरिष्ठ आणि निवड श्रेणीसाठी आवश्यक सेवांतर्गत प्रशिक्षणाचे आयोजन करणे तसेच प्रशिक्षणे दीर्घ सुट्टीच्या कालावधीत न घेण्याबाबत चर्चा करण्यात आली. मा. महोदयांनी याबाबत सकारात्मक निर्णय घेण्याबाबत आश्वस्त केले. मा. संचालक महोदयांना आयुक्तांकडे सभेसाठी जायचे असल्याने अधिक चर्चा होऊ शकली नाही.
*मा. देविदास कुलाळ साहेब* : – उपसंचालक (प्राथमिक) – वेतन व थकबाकीसाठी अनुदान देणे. सादील अनुदान उपलब्ध करणे. अनुदान निर्धारणाच्या बाबत विभागीय शिक्षण उपसंचालक कार्यालयाला आदेशित करण्यात येत आहे. वित्त विभागाने अनुदान निर्धारण पडताळणी अनिवार्य केली आहे. ज्या जिल्ह्यांचे अनुदान निर्धारण अहवाल प्राप्त होईल त्यांना सादील अनुदान तात्काळ उपलब्ध करून दिले जाईल असे सांगितले.
*मा. रमाकांत काठमोरे साहेब* उपसंचालक (प्राथमिक) : – शालेय पोषण आहार योजनेचे कार्यान्वयनातील अडचणी, सोशल ऑडिटसह व दर चार वर्षांनी ऑडिटच्या नावाखाली मागितली जाणारी चार वर्षाची माहितीचे दैनंदिन अध्यापन प्रभावित करणारे काम, धान्यादी वस्तूंचा दर्जा आणि मुदत संपण्यास अल्प कालावधी असताना होणारे वाटप या संबंधाने सविस्तर चर्चा झाली. इंधन, भाजीपाला, स्वयंपाकी मानधनाचे अनुदान केंद्र सरकारकडून प्राप्त नसल्यामुळे वितरण झाले नाही. त्यासाठी पाठपुरावा सुरू असल्याचे त्यांनी सांगितले. अतिरिक्त पूरक आहार (खीर, अंडा पुलाव साठी शासनाकडून कोणते अनुदान प्राप्त झाले नाही असेही त्यांनी सांगितले. सदर काम शिक्षकांकडून काढून घेण्याबाबत मागणी करण्यात आली.
*मा. मारुती फडके साहेब* सहायक आयुक्त (परीक्षा परिषद)- शिष्यवृत्ती परीक्षेला प्रविष्ट होणारे विद्यार्थी वाढत असल्याने जिल्हा निहाय शिष्यवृत्ती संचात वाढ करण्यात यावी अशी मागणी करण्यात आली. *महाराष्ट्र राज्य प्राथमिक शिक्षक समिती* च्या मागणीप्रमाणे याबाबतचा प्रस्ताव तयार करून शासनाकडे पाठवण्यात येईल असे मा. फडके साहेबांनी स्पष्ट केले.
अशाप्रकारे आज आपण महाराष्ट्राचे प्राथमिक शिक्षक समितीच्या माध्यमातून अधिकारी महोदयांच्या भेटी घेऊन चर्चा केली.
मंगळवारी दि.‌२१ जानेवारी रोजी मुंबई येथे मंत्रालयीन अधिकारी आणि काही सन्माननीय मंत्री महोदयांच्या भेटी घेण्याचे नियोजन होते. परंतु मा. मंत्री महोदय तसेच मा. प्रधान सचिव (शालेय शिक्षण) दौऱ्यावर असल्याने मंत्रालयीन भेट संस्थगित करण्यात आली आहे.
राजन कोरगांवकर
‌ राज्य सरचिटणीस
*महाराष्ट्र राज्य प्राथमिक शिक्षक समिती*