🛑अल्पवयीन मुलीशी शारीरिक संबंध ठेवल्या प्रकरणी आरोपीची जामिनावर मुक्तता.

*✍🏼लोकसंवाद /- कुडाळ.

अल्पवयीन मुलीस फूस लावून पळवून नेऊन तिच्याशी शारीरिक संबंध ठेवल्या प्रकरणी न्यायालयीन कोठडीत असणारा संशयित आरोपी जितेश यशवंत राऊळ रा. आंब्रड ता.कुडाळ यांची ओरोस येथील मे.विशेष न्यायाधीश सौ.सानिका जोशी यांनी ५०,००० रुपयांच्या सशर्त जामिनावर मुक्तता केली. आरोपी तर्फे ॲड भुवनेश प्रभुखानोलकर, ॲड कन्हैया निवतकर, ॲड मयुर चिंदरकर, ॲड महादेव पंदारे यांनी काम पाहिले.
सविस्तर वृत्त असे की, दिनांक २१/११/२०२४ रोजी अल्पवयीन मुलीवर फुस लावून पळवून नेल्याची फिर्याद कुडाळ पोलीस ठाणे येथे देण्यात आली होती. त्यानुसार कुडाळ पोलीस ठाणे येथे भारतीय न्याय संहिता कलम १३७(२) अन्वये गुन्हा दाखल करण्यात आला होता आणि तपासानुसार मागाहून बालकांचे लैंगिक अपराधा पासून संरक्षण अधिनियम, २०१२ चे कलम ४, भारतीय न्याय संहिता कलम ६४(२)(l), ६४(२)(m)चा समावेश करण्यात आला होता. याकामी संशयित आरोपीस दिनांक २२/११/२०२४ रोजी अटक करण्यात आली होती. आरोपीची मे. न्यायालयाने न्यायालयीन कोठडीत रवानगी केल्यानंतर आरोपी तर्फे जामीन अर्ज दाखल करण्यात आला होता. आरोपी तर्फे ॲड भुवनेश प्रभुखानोलकर यांनी केलेला युक्तिवाद ग्राह्य मानून ओरोस येथील मे. विशेष न्यायाधिश सौ.सानिका जोशी यांनी संशयित आरोपीची ५०,००० रुपयांच्या सशर्त जामिनावर मुक्तता केली.