🛑जिल्ह्याच्या विकासासाठी आम्ही सर्वजण कटिबद्ध .;आमदार दीपक केसरकर.*

✍🏼लोकसंवाद /- सावंतवाडी.

राज्य सरकार नजीकच्या काळात सिंधुदुर्गच्या विकासासाठी भरीव काम करणार आहे. नवीन वर्षात जिल्हयाच्या पर्यटन विकासाला एक नवी गती विकासमंत्री नीतेश राणे, खासदार नारायण राणे, आमदार नीलेश राणे व मी मिळून जिल्ह्याच्या पर्यटन, फलोद्यान, पशुसंवर्धन, कृषी विकासासाठी कटिबद्ध आहोत, असे माजी शिक्षणमंत्री तथा आमदार दीपक केसरकर यांनी स्पष्ट केले.
केसरकर म्हणाले, सिंधुदुर्गला उत्तम समुद्रकिनारे लाभले आहेत. हापूसचा जिल्हा म्हणून सिंधुदुर्ग जिल्हयाची ओळख आहे. काजू उत्पादन करणारा महाराष्ट्रातील सर्वात मोठा जिल्हा म्हणून सिंधुदुर्ग ओळखला जातो. नारळाच्या उत्पादनात सिंधुदुर्ग आघाडीवर आहे. जिल्ह्यात वेगवेगळे प्रकल्प प्रगतीपथावर आहेत. फळप्रक्रिया उद्योग सुरू केले आहेत. अनेक पर्यटन प्रकल्प प्रस्तावित आहे. अॅडव्हेंचर टुरिझमचा प्रकल्प प्रस्तावित आहेत. तिलारीत लेक टुरिझम होणार आहे.हाऊसबोट प्रकल्पही होणार आहे. जोडीलाच बांबूची लागवड आणि बांबूच्या माध्यमातून महिलांना मोठ्या उद्योग व्यवसायाची संधी आहे. जिल्ह्याला नीतेश राणेंच्या रुपाने तरुण नेतृत्व लाभले आहे. त्याचसोबत खासदार नारायण राणे, आमदार नीलेश राणे असे आम्ही जिल्ह्याच्या व कोकणच्या विकासासाठी कटिबद्ध आहोत. जर्मनी आणि इस्राईल देशाबरोबर करार झाला आहे. त्या माध्यमातून रोजगार उपलब्ध होणार आहे, असेही केसरकर यांनी स्पष्ट केले.