🛑महिलेच्या मनात लज्जा उत्पन्न होईल असे वर्तन केल्याच्या आरोपातून आरोपीची निर्दोष मुक्तता.;आरोपी तर्फे ॲड विवेक मांडकुलकर यांचा युक्तिवाद.

✍🏼लोकसंवाद /- कुडाळ.

घरात अनाधिकारे प्रवेश करून महिलेच्या मनात लज्जा उत्पन्न होईल असे वर्तन केल्याच्या आरोपातून संशयित आरोपी साबाजी अर्जुन नेरूरकर रा.नेरूर याची कुडाळ येथील मे.प्रथमवर्ग न्यायदंडाधिकारी श्री. पी.आर.ढोरे यांनी सबळ पूराव्या अभावी निर्दोष मुक्तता केली. आरोपी तर्फे ॲड विवेक मांडकुलकर, ॲड प्रणाली मोरे, ॲड भुवनेश प्रभुखानोलकर यांनी काम पाहिले. तसेच ॲड वृषांग जाधव यांचे सहकार्य लाभले.

सविस्तर वृत्त असे की, दिनांक २१/०६/२०२१ रोजी फिर्याद महिलेच्या शेजारी राहणार संशयित आरोपी हा फिर्यादीचा नवरा दारू पिऊन झोपल्याचे माहित असताना त्याचा फायदा घेऊन विनयभंग करण्याच्या उद्देशाने अनाधीकारे घरात घुसला आणि फिर्याद महिलेच्या मनात लज्जा उत्पन्न होईल असे वर्तन केल्याची फिर्याद कुडाळ पोलीस ठाणे येथे देण्यात आली होती. त्यानुसार भा. दं. वि कलम ३५४, ४५१ नुसार गुन्हा दाखल करण्यात आला होता. याकामी सरकार पक्षातर्फे एकूण ३ साक्षीदार तपासण्यात आले होते. साक्षीदारांच्या जबाबातील विसंगती आणि ॲड विवेक मांडकुलकर यांनी आरोपी तर्फे केलेला युक्तिवाद ग्राह्य मानून कुडाळ येथील मे. प्रथमवर्ग न्यायदंडाधिकारी श्री पी आर ढोरे यांनी संशयित आरोपीची निर्दोष मुक्तता केली.