🛑जिल्ह्यात भाजपाचे तीन लाख सदस्य करणार.

✍🏼लोकसंवाद /- ओरोस.

लोकसभा व विधानसभा निवडणुकीत घवघवीत यश मिळाल्यानंतर सिंधुदुर्ग जिल्हा भाजप पक्ष अधिक बळकट झाल्याचे स्पष्ट झाले आहे. सदस्य नोंदणीत जगात एक नंबर असलेल्या भाजप पक्षाचे सध्या देशव्यापी सदस्य नोंदणी अभियान सुरू आहे. ऑफलाईन आणि ऑनलाईन अशा दोन्ही पद्धतीने होणाऱ्या सदस्य नोंदणी अभियानात सिंधुदुर्ग जिल्ह्यातील तिन्ही विधानसभा मतदार संघातून प्रत्येकी एक लाख सदस्य नोंदणी करण्याचे उद्दिष्ट ठेवण्यात आले आहे. पूर्ण जिल्ह्यात तीन लाख सदस्य नोंदणी करण्यात येणार आहे, अशी माहिती भाजप सदस्य नोंदणी अभियानाचे जिल्हा संयोजक रणजित देसाई यांनी पत्रकार परिषदेत दिली.