🛑श्री.देव रवळनाथ देवालयातील धार्मिक साहित्य अस्ताव्यस्त टाकून धार्मिक भावना दुखावल्याच्या आरोपातून संशयित आरोपीची निर्दोष मुक्तता:

▪️आरोपी तर्फे ॲड विवेक मांडकुलकर यांचा यशस्वी युक्तिवाद..

✍🏼लोकसंवाद /- कुडाळ.

श्री.देव रवळनाथ देवालयातील धार्मिक साहित्य अस्ताव्यस्त टाकून धार्मिक भावना दुखावल्याच्या आरोपातून संशयित आरोपी भालचंद्र वसंत धुरी रा. पिंगुळी टेंबधुरीनगर याची कुडाळ येथील मे. प्रथमवर्ग न्यायदंडाधिकारी श्री. पी.आर.ढोरे यांनी सबळ पुरव्या अभावी निर्दोष मुक्तता केली. आरोपी तर्फे ॲड विवेक मांडकुलकर, ॲड प्रणाली मोरे यांनी काम पाहिले.तसेच ॲड भुवनेश प्रभुखानोलकर, ॲड वृषांग जाधव यांचे सहकार्य लाभले.
सविस्तर वृत्त असे की, दिनांक २३/०२/२०२० रोजी संशयित आरोपी भालचंद्र धुरी आपल्या मोटरसायलवरून श्री.देव रवळनाथ मंदिर येथे आला आणि त्याने नारळ ओटी ठेवायच्या टेबलवर लाथ मारून मंदिराच्या गाभाऱ्यात प्रवेश केला. श्री देव रवळनाथच्या पाषाणाच्या मागे ठेवलेला आसनाचा घोडा काढून गाभाऱ्यात टाकला,देवाचे खांब अस्ताव्यस्त करून टाकले, मंदिरातील उपासनेचे पवित्र साहित्य याचे नुकसान करून धार्मिक भावना दुखावल्या अशी फिर्याद दिपक राऊळ यांनी कुडाळ पोलीस ठाणे येथे दिली होती. त्यानुसार भा. दं. वि कलम २९५ नुसार गुन्हा नोंदविण्यात आला होता. याकामी सरकार पक्षातर्फे एकूण ४ साक्षीदार तपासण्यात आले होतो. साक्षीदारांच्या जबाबतील तफावत आणि आरोपी तर्फे ॲड विवेक मांडकुलकर यांचा युक्तीवाद ग्राह्य म्हणून संशयित आरोपी भालचंद्र वसंत धुरी याची कुडाळ येथील मे. प्रथमवर्ग न्यायदंडाधिकारी श्री.पी.आर.ढोरे यांनी सबळ पुराव्या अभावी निर्दोष मुक्तता केली.