🛑जिल्ह्यात तिन्ही जागांवर महायुतीचा विजय होणार.;अशोक दळवी.

✍🏼लोकसंवाद /- सावंतवाडी.

या विधानसभा निवडणुकीत महायुतीच्या झंजावाता पुढे महाविकास आघाडी चारी मुंड्या चीत होणार आहे. जिल्ह्यातील तिन्ही जागावर महायुतीचा विजय होणार असल्याचा ठाम विश्वास शिवसेनेचे जिल्हाप्रमुख अशोक दळवी यांनी व्यक्त केला. सावंतवाडी , वेंगुर्ले , दोडामार्ग विधानसभा मतदारसंघाचे उमेदवार दीपक केसरकर , कुडाळ मालवणचे निलेश राणे व कणकवली देवगड , वैभववाडी चे नितेश राणे तिन्ही उमेदवार मोठ्या फरकाने विजयी होतील, असेही दळवी म्हणाले.

दळवी पुढे म्हणाले , दीपक केसरकर यांनी सावंतवाडी विधानसभा मतदारसंघासाठी अडीच हजार कोटी व निधी आणला . कार्यकर्त्यांनी सुचविलेल्या प्रत्येक कामाला प्राधान्य दिले. त्यामुळे आज जनता त्यांच्यासोबत आहे. त्यांच्या मतदारसंघातील प्रत्येक सभेला मी उपस्थित आहे. माझ्यासह अन्य माझ्या महायुतीच्या पदाधिकाऱ्यांनी ही केसरकर यांच्या विजयासाठी बैठका घेतल्या. सर्वांना उत्स्फूर्त प्रतिसाद मिळाला. मुख्यमंत्री एकनाथ शिंदे यांच्या उपस्थितीत झालेल्या जाहीर मेळाव्यात झालेली गर्दी सर्वांनी पाहिली आणि त्याचवेळी त्यांच्या विजयावर शिक्कामोर्तब झाला. माजी मुख्यमंत्री तथा खासदार नारायण राणे व पालकमंत्री रवींद्र चव्हाण यांनीही त्यांच्या विजयासाठी कंबर कसली आहे विरोधक फक्त टीका करतात . पण आम्ही विकास कामे घेऊन जनतेच्या सामोरे जात आहोत. विरोधकांबद्दल वाईट बोलण्याची अथवा त्यांच्यावर टीका करण्याची आम्हाला आवश्यकताच वाटत नाही . कारण मतदारसंघात त्यांच्याविषयी काय बोलतात हे आम्ही प्रत्यक्ष ऐकत आहोत केसरकर विजय झाल्यानंतर त्यांना मंत्रिमंडळात मानाचा स्थान मिळणार आहेत. पण याउलट विरोधकांची जागा कुठे असणार, हेही मतदार बोलत आहेत. पैसे वाटून नेता होता येत नाही. निवडणुका जिंकता येत नाहीत. त्यासाठी जनतेसाठी राबावे लागते जनतेची कामे करावी लागतात. जनतेच्या मनात स्थान निर्माण करावे लागते. केसरकर जनतेच्या मनातील आमदार व मंत्री आहेत.युती शासनाने राबविलेल्या लाडक्या बहिणी योजनेमुळे आज सर्व माता भगिनी युती शासनाच्या बाजूने आहेत . या लाडक्या बहिणी योजनेच्या निधीत अजूनही निश्चितच वाढ होणार आहे . मुख्यमंत्री जाहीर सभी प्रसंगी लाडक्या बहिणीने केलेली गर्दी केसरकर यांच्या विजयाची नांदी होती. याशिवाय शेतकरी , ज्येष्ठ नागरिक,लोककलाकार यांच्यासाठीही युती शासनाने अनेक योजना राबवल्या. या बाबी जिल्ह्यातील युतीच्या उमेदवारासाठी जमेच्या ठरत आहेत . आम्हाला खात्री आहे . मतमोजणीवेळी पहिल्या फेरीपासून केसरकारांची सुरू होणारी आघाडी शेवटपर्यंत तशीच राहील व अंतिम निकाल वेळी मोठ्या मताधिक्याने त्यांचा विजय झालेला असेल.
कुडाळ , मालवण मतदारसंघाचे महायुतीचे उमेदवार निलेश राणे यांनी आपल्या खासदारकीच्या कालावधीत नजरेत भरण्यायोग्य काम केले होते . अनेक विकास कामे त्यांनी पूर्ण केली . त्यांची त्यावेळी संसदेतील भाषणही गाजली . आज त्यांच्याकडे कोणतेही लोकनियुक्त पद नसताना त्यांनी करोडो निधी मतदार संघासाठी आणला. विशेषता युवा वर्गात त्यांची मोठी क्रेझ आहे . त्यामुळे निलेश राणे यांचा विजय त्या ठिकाणी निश्चित आहे. कणकवली , देवगड , वैभववाडी मतदारसंघाचे आमदार नितेश राणे हॅट्रिकसाठी सज्ज झाले आहेत. राणे आज राज्यस्तरावर वावरत आहे .सर्वात प्रभावशाली युवा आमदार म्हणून त्यांची प्रतिमा राज्यात आहे. त्यांनी मतदारसंघात करोडो चा निधी आणला आज इतर पक्षाचेही कार्यकर्ते त्यांच्या कामावर प्रभावीत होऊन महायुतीत सहभागी होत आहेत. त्यांचा विजय हा सुद्धा एकतर्फीच असेल ,असेही दळवी म्हणाले. तिन्ही उमेदवारांच्या गुलाल उधळण्यासाठी कार्यकर्त्यांनी सज्ज राहावे , असे आवाहन जिल्हाप्रमुख अशोक दळवी यांनी केले आहे.