🛑विशाल परब आपला हक्काचा माणुस आपली गॅस शेगडी ही निशाणी पोहोचवताहेत घरोघरी.

▪️भाजपचे बंडखोर अपक्ष उमेदवार विशाल परब यांचा घरोघरी जाऊन जोरदार प्रचार सुरू..

✍🏼लोकसंवाद /- वेंगुर्ला.

सावंतवाडी विधानसभा मतदारसंघाचे भाजपचे बंडखोर अपक्ष उमेदवार विशाल परब हे सध्या वेंगुर्ले तालुक्यात घरोघरी जाऊन प्रचार करून मतदारांपर्यंत पोहचत आहेत.त्यांना युवा वर्गाचा तसेच गोरगरिबांचा प्रतिसाद लाभत आहे.

अवघ्या काही दिवसांवर निवडणूक येऊन ठेपली आहे.सावंतवाडी विधानसभा मतदारसंघात चौरंगी लढत असल्याने या मतदारसंघाकडे सर्वांचे लक्ष लागून आहे. भाजपाचे बंडखोर उमेदवार विशाल परब हे अपक्ष उमेदवार म्हणून मतदार संघात उभे आहेत.कोणत्याही मोठ्या सभा नाही, मोठा बडेजाव नाही. पण शांत पणे ते आपला प्रचार करत आहेत.आपल्या युवा सहकाऱ्यांसोबत घरोघरी जाऊन या मतदारसंघात विकासात्मक बदल करण्यासाठी आपण उभे आहोत त्यामुळे आपल्याला एक संधी द्या,असे आवाहन ते मतदारांना करत आहेत. आणि आपली गॅस शेगडी निशाणी घरोघरी पोहोचवत आहेत. त्यांच्या प्रचारालाही वेंगुर्ले तालुक्यात गावागावात चांगला प्रतिसाद मिळत आहे.