🛑 अर्चना घारे यांनाच महाविकास आघाडीतून उमेदवारी मिळावी राष्ट्रवादी काँग्रेसच्या महिला आघाडीची शरद पवारांकडे मागणी.

✍🏼लोकसंवाद /- सावंतवाडी.

सध्या सर्व राजकीय पक्षांची विधानसभा निवडणुकीची तयारी जय्यत सुरू आहे .प्रत्येक पक्षातील इच्छुक उमेदवार आपल्या पक्ष श्रेष्ठींशी भेटी गाठी घेताना दिसत आहेत .यातच राष्ट्रवादी काँग्रेसच्या कोकण विभागीय महिला अध्यक्ष सौ अर्चना घारे – परब यांनी आज राष्ट्रवादी काँग्रेसचे अध्यक्ष शरद पवार यांची भेट घेतली .तसेच होऊ घातलेल्या विधानसभा निवडणुकीबाबत या भेटीत सकारात्मक चर्चा देखील झाली .यावेळी राष्ट्रवादी काँग्रेसचे पदाधिकारी तसेच महिला कार्यकर्त्या मोठ्या प्रमाणावर उपस्थित होत्या.

सावंतवाडी विधानसभा मतदारसंघात कुणीही कितीही दवा केला तरी आज संपूर्ण सावंतवाडी विधानसभा मतदारसंघातील गावागावात महिलांमध्ये एकच आवाज ऐकू येत आहे तो म्हणजे अर्चना ताई. गेली 7 ते 8 वर्षे सातत्याने मतदारसंघातील सर्व गावे पिंजून काढत जन सामान्यांसाठी अहोरात्र कार्य व मेहनत घेतली हे जनता विसरणार नाही. आज आमच्या नेत्या अर्चनाताईंच्या जनसंपर्क कार्यालयामध्ये मध्ये जनसामान्य जनतेची गर्दी पाहता त्यांनी केलेल्या कामाची पोहोच पावती मिळत आहे. आज या सावंतवाडी विधानसभा मतदारसंघाकरिता एका स्वच्छ चारित्र्याचा तसेच उच्चशिक्षित आणि सर्वसामान्य जनतेसाठी तळमळीने असंख्य समस्यांवर काम करणारा एक नवीन चेहरा म्हणून नावलौकिक असलेल्या लोकनेत्या सौ. अर्चना घारे-परब यांनाच महाविकास आघाडी मधून उमेदवारी मिळावी अशी आमची सर्व महिला पदाधिकाऱ्यांची सावंतवाडी विधानसभा मतदारसंघातील सर्वसामान्य महिला भगिनींच्या वतीने मागणी आहे असे मत सावंतवाडी विधानसभा मतदारसंघ अध्यक्ष नीतीशा नाईक यांनी राष्ट्रवादी काँग्रेसचे अध्यक्ष शरद पवार यांच्याकडे व्यक्त केले. या प्रसंगी महिला शहराध्यक्ष ऍड. सायली दुभाषी, युवती जिल्हाध्यक्ष सौ. सावली पाटकर, महिला तालुकाध्यक्ष सौ. मारीता फर्नांडिस, सुधा सावंत, सौ. पूजा दळवी आधी उपस्थित होते .