🛑रत्नागिरीत घडलेल्या हल्ल्यासंदर्भात कुडाळ येथे सकलहिंदू समाजाने काढलेल्या रॅलीला उत्स्फूर्त प्रतिसाद.

▪️कुडाळ तहसीलदार पोलिस निरीक्षक यांना राजमाता जिजामाता चौक येथून रॅली काढत दिले निवेदन..

*✍🏼लोकसंवाद /- कुडाळ.*

रत्नागिरी येथे विजयादशमीच्या उत्सवादरम्यान सकल हिंदू समाजावर झालेला भ्याड हल्ला आणि या हल्ल्याच्या निषेधार्थ आज मंगळवार दिनांक 15.10.2024. रोजी सकाळी कुडाळ जिजामाता चौक येथून सकल हिंदू समाजाच्या कार्यकर्त्यांनी प्राथमिक प्रास्ताविके करून जिजामाता चौक येथून सकल हिंदू समाजाने चालत कुडाळ पोलीस ठाण्यात तसेच कुडाळ तहसीलदार पर्यंत रॅली काढत हिंदू समाज्यावर झालेल्या भ्याड हल्ल्याचा निषेध ! करत ,जय श्रीराम च्या घोषणा देत , “जो हिंदू की बात करेगा….. वही देश पे राज करेगा….. हिंदू एकजुटीचा विजय असो….. अशा घोषणा देत कुडाळ येथे सकल हिंदू समाजाच्या वतीने रत्नागिरी येथे घडलेल्या घटनेच्या निषेधार्थ राजमाता जिजाऊ यांच्या पुतळ्यापासून पोलीस ठाणे व तहसीलदार कार्यालयापर्यंत मोर्चा काढून,कुडाळ तहसीलदार विरसिंग वसावे, ,कुडाळ पोलीस निरीक्षक राजेंद्र मगदूम , यांना लेखी निवेदने सादर करण्यात आली.यावेळी हिंदू समाजाचे शेकडो लोक या रॅलीत हसभागी झाले होते.हिंदू समाजाच्या रॅलीने घोषणा देत शांततेत या रॅलीचा समाप्त केला.

यावेळी विवेक पंडित,रमाकांत नाईक ,विजय कांबळी,गजानन वेंगुर्लेकर, बंड्या सावंत, दिवेश रेडकर, रणजित देसाई, वैद्य सुविनय दामले, मिलिंद देसाई, प्रशांत धोंड, मंगेश नाडकर्णी, लवू म्हाडेश्वर, आनंद नाईक, विनय वर्दे, दीपलक्ष्मी पडते, उदय कुडाळकर, शिवम म्हाडेश्वर, श्रीपाद तवटे, चांदणी कांबळी, रुपेश कानडे,अरविंद करलकर ,राजविर पाटील ,राजू राऊळ,

---

श्री.सरवटे,विक्रांत भोगटे ,बाळा पावसकर ,अविनाश प्रभू,अदिती सावंत,दीपक गावडे, श्री.साळुंखे अन्य हिंदू समाज बांधव मोठ्या संख्येने उपस्थित होते.

यावेळी मिलिंद देसाई यांनी सांगितले की, स्वयं सेवक संघाच्या विजया दशमी दिवशी झालेल्या संचालनामध्ये काही मुस्लिम बांधवांनी हे संचलन रोखण्याचा प्रयत्न केला आणि घोषणाबाजी केली सामाजिक तेढ निर्माण करण्याचा त्यांनी प्रयत्न केला अशांवर कारवाई झाली पाहिजे जर अशा प्रकारे घटना घडत असतील तर आम्ही हिंदू म्हणून गप्प राहणार नाही जशा तसे उत्तर देऊ असे मिलिंद देसाई तयांनी यावेळी सांगितले.

याविषयी सविस्तर माहिती अशी की,विजयादशमीच्या पूर्वसंध्येला शिवरायांच्या महाराष्ट्रातील रत्नागिरीमध्ये राष्ट्रीय स्वयंसेवक संघाचे संचलन मुस्लिम धर्मियातील काही समाज कंटकाकडून अडविण्याचा प्रयत्न झाला त्याचा निषेध व सजगतेचे आवाहन करणारे निवेदन देण्यासाठी आज सखल हिंदू समाज पोलीस प्रशासन आणि तहसीलदार यांना निवेदन देण्यासाठी एकत्र आला आहे.रत्नागिरी शहरामध्ये प्रतिवर्षाप्रमाणे राष्ट्रीय स्वयंसेवक संघाचे संचलन पुर्व परवानगी घेऊन शांतपणे व शिस्तबद्ध रीतीने निघाले होते याची आपणास माहिती असेलच.ते संचलन कोकण नगर भागात आल्यानतर तेथे अगोदरच येऊन राहिलेल्या मोठ्या जमावाने ते रोखण्याचा प्रयत्न केला, पोलीस कर्मचारी तेथे मोठ्या प्रमाणामध्ये उपस्थित होते.परंतु त्यांनी वेळीच तेथे जमलेल्या जमावाला खदेडण्याचा प्रयत्न केला नाही. त्या कारणानेच तेथील जमावाने ‘नारा-ए तकबीर ‘अल्लाहू अकबर’ अशा जोरदार घोषणा द्यायला सुरुवात केली व त्यामुळे तेथे प्रचंड तणाव निर्माण झाला होता.