🛑तेरेखोल नदीतील गौण खनिज उत्खनन उपसाबाबत राष्ट्रीय हरित लवादाकडे याचिका दाखल करणार.;अशोक राऊळ.

✍🏼लोकसंवाद /- सावंतवाडी.

सिंधुदूर्ग जिल्हयामधील तेरेखोल नदीमध्ये गाळ उपसाला नदिपात्राजवळील शेतकरी, स्थानिक रहिवाशी तसेच पर्यावरणवादी यांनी हरकत घेतली आहे. कलंबीस्त गावातील सामाजिक कार्यकर्ते अशोक वासुदेव राउळ यांनी या बाबत राष्ट्रीय हरित लवादाकडे याचिका करण्याचे ठरविले असून लवकरच ही याचिका राष्ट्रीय हरित लवादाकडे (NGT Act 2010) दाखल करण्यांत येईल असे आमच्या प्रतिनीधीला सांगितले आहे…
अशोक राऊळ यांनी पुणे येथील राष्ट्रीय हरित लवादाच्या कार्यालयात जाऊन याचिका दाखल करण्यासाठी पूर्वतयारी सुरू केली आहे अशी माहिती राउळ यांनी दिली. तेरेखोल नदी मध्ये एप्रिल २०२२ पासून गाळ उपसा सुरू आहे. केंद्रीय पर्यावरण विभाग यांचे EIA notification 2016 व 2018 चे उल्लंघन यामुळे होत आहे. सर्वाच्च न्यायालयाने तसेच उच्च न्यायालय व राष्ट्रीय हरिल लवादाने वेळोवेळी पारित केलेल्या आदेशांचा भंग त्याचबरोबर महाराष्ट्र जमीन महसूल संहिता 1966 कलमाचे उल्लंघन देखील या गाळ, वाळू उपसाने होत आहे.
तेरेखोल नदीमध्ये अवैध गाळ व वाळू उपशाला नदिपात्राजवळील शेतकरी, स्थानिक रहिवाशी यांना या वाळउपशामुळे त्रास होत आहे. कलंबीस्त गाव वगळता तेरेखोल नदिवरील सावंतवाडी तालुक्यातील शिरशिंगे, आंबोली, गेळे, सावरवाड, वेर्ले, सांगेली,ओवळीलये, माडखोल इ. गावे केंद्र सरकारने इको-सेन्सिटिव्ह झोनमध्ये सामिल केली आहेत. त्यानुसार खाण प्रकल्प, गौण खनिज उत्खनन व वाळू उपशावर बंदी घालण्यांत आली आहे. या अधिसूचनेनुसार सावंतवाडील गावातील कोणत्याही गावातील ठिकाणी खाण प्रकल्प, गौण खनिज उत्खनन व वाळू उपशावर बंदी घालण्यात यावी तसेच जे अवैध गाळ खनिज वाळू उत्खनन झाले आहे त्याबाबत कठोर कायदेशीर कारवाईची मागणी याचिकाकर्ते राउळ हे याचिकेव्दारे हरित लवादाकडे करणार आहेत अशी माहिती अशी माहिती लोकसंवाद लाईव्ह शी याचिकाकरते यांचे मुम्बई उच्य न्यायालय वकील श्री गुरुनाथ आईर यांनी दिली.