🛑आमदार दिपक केसरकर विधानसभा निवडणूक जवळ आल्यावरच फक्त तबला पेटी वाटून मतदारांना खुश करतात.

▪️महाराष्ट्र नवनिर्माण सेना तालुकाध्यक्ष वेंगुर्ला सनी बागकर यांचा टोला‌..

✍🏼लोकसंवाद /- वेंगुर्ला.

आपले सावंतवाडी विधानसभा मतदारसंघाचे आमदार मा. दिपकभाई केसरकर गेली 3 टर्म निवडून येत आहेत आणि अशी माहिती मिळत आहे की येणाऱ्या विधानसभेसाठी सुद्धा ते इशस्चूक दिसताहेत. प्रथमतः आमदार नंतर पालकमंत्री सद्ध्या तंत्रशिक्षण मंत्री मुख्यमंत्र्यांच्या खास मर्जीतील आमदार म्हणायलाही काही हरकत नाही.तरीही सावंतवाडी मतदारसंघाची खस्ता हालत ह्यांना दिसत नाही कशी.
आमदार साहेबांनी जिल्ह्यात किती रोजगार निर्मिती केली? जिल्ह्यातील तरुण मुलं दररोज कामानिमित्त गोव्याला येजा करतात,तेथेही बऱ्याच मुलांना परराज्यातील म्हणून हीन वागणूक दिली जाते.गेलेला मुलगा घरी कधी येईल ह्या ध्यास्तीतच घरचे असतात.2 वर्षा पूर्वी गाळेल डिंगणे येथील अपघात त्यात मृत्युमुखी पडलेला वेंगुरल्यातील तरुण ही घटना जुनी नाही,आणीही अशी कित्येक उदाहरणे आहेत.

रस्त्यांची दुर्दशा तर काही बोलूच नका, पंतप्रधान मोदी मालवण ला आल्यावर जसे रस्ते सुधारलात तीच तत्परता आमदारांनी इतरही वेळी दाखवावी. आपण राष्ट्रवादी तुन शिवसेना आणि नंतर शिवसेनेतून शिंदेगट हा सुखकर प्रवास करीत येथवर आलायत परंतु सर्वसामान्य माणूस रोड टॅक्स भरुन वाहन चालवितो त्याचं मात्र कंबरड मोडून गेलंय.

शिक्षण मंत्र्यांच्या जिल्ह्यात कित्येक शाळा बंद पडल्याहेत. मराठी माध्यमांच्या शाळांमध्ये पटसंख्या नीचांकी स्थरावर पोहोचली आहे ह्यावर कोणत्या उपाय योजना करताहेत हे आमदार साहेब?
शेवटची आमसभा घेतल्यावर कित्येक वर्ष उलटून गेलीयेत.सर्वसामान्य जनतेने आमदाराशी संवाद कधी साधायचा?स्थानिक लोकप्रतिनिधिंनी विरोधकांनी आमदाराच्या कार्याची चाचपणी अवलोकन कधी करायचे?
आता काय येणाऱ्या गणेश चतुर्थीला आमदार साहेब मतदार संघात आपल्या दलालांमार्फत घरोघरी शिधावाटप करतील, भजन मंडळांना तबला पेटी वाटप करतील मग काय सामान्य जनतेने निमुटपणे भजन करीत बसावे.