🛑महाराष्ट्र राज्य प्राथमिक शिक्षक समिती च्या प्रतिनिधींची वेतन त्रुटी निवारण समिती कडे साक्ष..

✍🏼लोकसंवाद /- सिंधुदुर्ग

महाराष्ट्र राज्य प्राथमिक शिक्षक समिती च्या प्रतिनिधींनी वेतनश्रेणी त्रुटी निवारण समिती कडे मंत्रालय दालन क्र. २४१ येथे आज शुक्रवारी (दि. २ ऑगस्ट २०२४)(१) वरिष्ठ वेतनश्रेणी (२) पदवीधर शिक्षक वेतनश्रेणी मध्ये सातव्या वेतन आयोगातील तृटी दूर करण्यासाठी निवारण समितीचे अध्यक्ष मा. मुकेश खुल्लर साहेब (भा.प्र.से.) यांचेकडे सुनावणीचे वेळी बाजू मांडली.यावेळी वित्त विभागाचे उपसचिव या. धोत्रे साहेब, ग्राम विकास विभाग कक्षाधिकारी मा. दिपाली पवार मॅडम, वित्त विभाग कक्षाधिकारी मा. सावंत मॅडम उपस्थित होते.

महाराष्ट्र राज्य प्राथमिक शिक्षक समिती चे प्रतिनिधी मंडळात राज्य नेते मा. उदयराव शिंदे, राज्याध्यक्ष विजय कोंबे, राज्य सरचिटणीस राजन कोरगावकर, राज्य सरचिटणीस किशोर पाटील, राज्य कार्यकारिणी सदस्य नामदेवराव जांभवडेकर, सचिन मदने, विधी सल्लागार संतोष वारंग, राधानगरी (कोल्हापूर) तालुकाध्यक्ष विक्रम वागरे, जुन्नर (पुणे) तालुकाध्यक्ष राजेश दुर्गडे सहभागी झाले होते.प्राथमिक शिक्षक वरिष्ठ वेतनश्रेणी व पदवीधर वेतनश्रेणी बाबत बाजू मांडण्यासाठी प्राथमिक शिक्षक संघटनांपैकी केवळ महाराष्ट्र राज्य प्राथमिक शिक्षक समिती ही एकमेव संघटनेने बाजू मांडली.