🛑गोव्याहुन मुंबईच्या दिशेने जाणाऱ्या कंटेनरमद्धे गाडीसह 70 लाख 13 हजाराची गोवा बनावटी दारू जप्त..

राज्य उत्पादन शुल्क विभागाची धडक कारवाई..

✍🏼लोकसंवाद /- बांदा.

राज्य उत्पादन शुल्क तपासणी नाका इन्सुली येथे अवैध मद्य वाहतुकीवर मोठी कारवाई करण्यात आली आहे.ही कारवाई निरीक्षक, राज्य उत्पादन शुल्क तपासणी नाका इन्सुली पथकाने केली आहे.हाती मिळालेल्या खात्रीशीर बातमीनुसार तपासणी नाका इन्सुली समोरील राष्ट्रीय महामार्ग क्र.66 वर परराज्यातील अवैध मद्य वाहतुकीच्या संशयित वाहनांची तपासणी करीत असताना दि.02.08.2024 रोजी रात्री 01.15 वाजताचे सुमारास गोव्याहुन मुंबईच्या दिशेने येणारे सहाचाकी कंटेनर वाहन क्र. RJ-32-GB-7504 ची तपासणी केली असता सदर वाहनामध्ये विदेशी मद्याचे विविध बॅन्डचे 620 बॉक्स मिळून आले. सदर प्रकरणी वाहन चालक- 1) नोशाद इसराईल खान,वय 24 वर्षे, रा. मेवात हरियाणा व 2) विष्णु कुमार जाट, वय 25 वर्षे, रा.करौली, राजस्थान यांना ताब्यात घेण्यात आले.सदर गुन्ह्यामध्ये एकुण अं.रु.52,03,200/- किंमतीचे मद्य व मद्यसाठा वाहतुकीकामी वापरण्यात आलेले सहाचाकी कंटेनर वाहन क्र. RJ-32-GB- 7504 अं.किं.रु.18,00,000/- व एक विवो कंपनीचा मोबाईल अं.किं. रु.10,000/- असा एकुण अंदाजे रु.70,13,200/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत विविध कलमानुसार गुन्हा नोंदविण्यात आला.

सदर कारवाई मा.श्री. मनोज शेवरे साहेब, अधीक्षक, राज्य उत्पादन शुल्क, सिंधुदुर्ग यांचे मार्गदर्शनाखाली श्री. प्रदीप रास्कर, प्रभारी निरीक्षक, श्री.तानाजी पाटील, दुय्यम निरीक्षक,श्री. गोपाळ राणे, सहाय्यक दुय्यम निरीक्षक, श्री. दिपक वायदंडे, जवान व श्री. रणजीत शिंदे, जवान नि. वाहन चालक यांनी केली.सदर प्रकरणी पुढील तपास श्री. प्रदीप रास्कर, प्रभारी निरीक्षक, तपासणी नाका इन्सुली हे करीत आहेत.