🛑शिवरायांचे विचार आणि आजचे तरुण..

✍🏼लोकसंवाद /-

आज जगातील सर्वात जास्त तरुण असणारा आपला भारत देश आहे. त्यामुळे आज शिवरायांचे विचार व शिवरायाप्रमाणे आचार आपल्या तरुणांच्याकडे असणे काळाची गरज आहे.

शिवरायांचे आदर्श हे थोर पोलादी पुरुष होते. त्यांचे विचार समोर ठेवूनच केवळ 50 वर्षाच्या जीवन काळात इतिहास अजरामर केला. आजच्या तरुणाईचे आदर्श अभिनेते किंवा प्रचंड पैसा कमवणारे खेळाडू आहेत. आज आपल्या तरुणांनी डॉक्टर अब्दुल कलाम, स्वामी विवेकानंद यांचा आदर्श समोर ठेवून राजे शिवाजींचे जीवन आदर्श मानून काम केले, तर, जगात सर्वाधिक तरुण असणारा भारत देश एक संस्कारक्षम कष्टाळू तरुणांचा आदर्शवत भारत बनेल.

सूर्यनारायण जर उगवले नसते
तर आकाशाचा रंग समजला नसता,
आणि जर का शिवाजी महाराज जन्मले नसते
तर स्वातंत्र्याचा अर्थच समजला नसता ! ! !

लोकमान्य टिळकांनी गणेश चतुर्थी व शिवजयंती उत्सव शिवरायांच्या विचारांचा प्रसार व प्रचार करण्यासाठी साजरे केले. पण आजची तरुणाई शिवजयंतीला डीजे च्या उंच आवाजात पाश्चात गाणी लावून नंगानाच करण्यात गुंगून जाते. यासाठीच जगाला प्रेरणादायी ठरलेला शिवाजी राजा आपल्यात उतरवणे तरुणाईला गरजेचे आहे. आजच्या बुद्धिमान तरुणांपुढे मातृभूमीचा मान उंचावण्याचे मोठे आव्हान आहे. राजा शिवाजीप्रमाणे आपल्यातील सुप्त सामर्थ्य आजच्या तरुणाईला गरजेचे आहे. स्त्रियांचा शिवरायांनी नेहमी आई-बहिणीप्रमाणे सन्मान ठेवला, याचं आजच्या तरुणाईनं भान बाळगणं गरजेचं आहे.

शेवटी मी एवढेच म्हणेन
“राजा शिवाजी रयतेसाठी जगला
एक योद्धा बनवून अन्यायाविरुद्ध लढला ज्याने गुलामी नाकारून स्वराज्याला जन्म दिला .याची कधी जाण येईल या भारत मातेच्या तरुणाईला?” श्री.सुनिल करडे ,सावंतवाडी.