हतबल कोण झालंय हे जनता बघतेय आमदार नाईक यांनी टेंडर या विषयावर बोलूच नये.;संजय वेंगुर्लेकर.

लोकसंवाद /- कुडाळ.

सिंधुदुर्ग जिल्हा नियोजनची बैठक संपल्यावर आमदार वैभव नाईक प्रेसला बाईट देत होते,त्यावेळी त्यांनी पालकमंत्री हतबल झालेत,टेंडर मॅनेज होतात त्यामुळे निधी अखर्चीत राहिला असे आरोप केलेत.खरं तर नाईक यांनीच या जिल्ह्यात कोल्हापूर,सोलापूर वरून कॉन्ट्रॅक्टर आणून धंदा सुरु केला.. त्या कॉन्ट्रॅक्टर बरोबर कोणाची पार्टनरशिप होती ते संपूर्ण जिल्ह्याला माहिती आहे.आता तो कॉन्टॅक्टर ब्लॅक लिस्ट झाल्यामुळे नाईक यांची फडफड चालली आहे..बरं तो ठेकेदार का ब्लॅकलिस्टेड झाला त्याची कारणं पण सांगावी आमदारांनी अशी खरमरीत टीका भारतीय जनता पक्षाचे कुडाळ तालुका अध्यक्ष श्री.संजय वेंगुर्लेकर यांनी केली आले.

पुढे वेंगुर्लेकर यांनी सांगितले की,माझा निधी, माझेच कॉन्ट्रॅक्टर, सगळंच माझं या तुमच्या वृत्तीमुळे तुमचेच कार्यकर्ते तुमच्यापासून दुरावलेत.त्याचा परिणाम लोकसभेत दिसून आला.पण तो फक्त ट्रेलर होता खरा पिक्चर विधानसभेला दिसणार आहे,हे आपण लिहून ठेवा किमान पस्तीस हजार पेक्षा जास्त लीडने आमदार वैभव नाईक यांचा पराभव निश्चित आहे.

बोलताना आणखी एक मुद्दा आमदारानी मांडला की वारंवार अशा बैठका झाल्या पाहिजेत,त्यांना आमचा सवाल आहे की तुम्ही का नाही आमसभा लावत? लावा आमसभा आणि दाखवा तुमची आस्था. तुमचे किती कॉन्टॅक्टर कुठे कुठे अडकलेत,त्यांच्यामुळे किती निधी परत गेला याची पोलखोल लवकरच होईल.आमदार फंडातली कामे देताना
सिमेंट आपल्याच एजन्सीचं घ्यायचं,सिमेंट पाईप आपल्याच एजन्सीचे घ्यायचे,खडी-डांबर पण आपल्याच इंटरप्रायजेसच आणि बिल जोडायचा GSTसाठी. हे कोण करतय ते दुनियेला माहिती आहे.त्यामुळे हे हतबल, ते मीटिंगला आले नाहीत असं सांगून उगाच लोकांचा संभ्रम करायचा प्रयत्न करु नका जनता आता तुमच्या खोट्या नाटकाना आता भुलणार नाही.आम्ही आता सज्ज आहोत,कोणत्याही परिस्थितीत पार्सल परत जाणार तुमचं..तुम्ही आता उरकायला घ्या.. मेणबत्ती विझत आलीय त्यामुळे आता फडफड वाढेल, मग यात्रा सुरु होतील,

जुने खोटे मुद्दे उकरून सहनभूती मिळवण्याचे प्रयत्न सुरु होतील, पण आता काही उपयोग होणार नाही, कारण आता जनतेला सगळं खरं खोटं लक्षात आलं आहे, दहा वर्ष खोटं सांगून कोण आपली पोळी भाजून घेत होतं आणि निवडणूक संपली की ते मुद्दे पुढच्या निवडणुकीपर्यंत बाजूला टाकून द्यायचे ही स्वार्थी वृत्ती लोकांच्या आता पूर्णपणे लक्षात आली आहे. लगे रहो.. काउंट डाऊन शुरु हो गया है..अब होगा दुध का दूध और पानी का पानी.असे भारतीय जनता पक्षाचे कुडाळ तालुका अध्यक्ष श्री.संजय वेंगुर्लेकर यांनी आपल्या प्रसिद्धी पत्रकाच्या माध्यमातून आमदार वैभव नाईक यांना निशाण साधला आहे.