कुडाळ रेल्वे स्थानकाच्या शेडमध्ये सापडला 35 वर्षीय तरुणाचा मृतदेह.

लोकसंवाद /- कुडाळ.

कुडाळ रेल्वे स्थानकावरील बाहेरच्या शेडमध्ये कडावल येथील प्रथमेश राजाराम दुखंडे (३५) सोमवारी सकाळी १० वाजण्याच्या सुमारास मृतावस्थेत आढळले.याबाबतची खबर रेल्वे सुरक्षा बलाचे पोलीस प्रवीण राजाराम मोरे यांनी कुडाळ पोलीस ठाण्यात दिली.पोलिसांनी आकस्मिक मृत्यू अशी नोंद केली कुडाळ रेल्वे स्थानकाच्या बाहेरच्या बाजूला असलेल्या शेडमध्ये प्रथमेश दुखंडे झोपले होते.सकाळी १० वाजता त्या शेडमध्ये कुणीतरी झोपले असल्याचे स्टेशन मास्तर प्रज्ञा नाईक यांच्या निदर्शनास आले.त्यांनी त्यांना आवाज देऊन उठविण्याचा प्रयत्न केला.परतु, काहीच प्रतिसाद दिला नाही.नंतर श्रीमती नाईक यानी कणकवली येथे रेल्वे सुरक्षा बलाला याबाबतची माहिती दिली.रेल्वे सुरक्षा बलाचे प्रमोद मोरे कुडाळ रेल्वे स्थानकावर दाखल झाले व त्यांनी पाहणी केली असता सदर व्यक्ती काहीच हालचाल करीत नव्हती म्हणून त्यांनी मग कुडाळ पोलीस ठाण्यात याबाबतची खबर दिली.

सहाय्यक पोलीस निरीक्षक गजेंद्र पालवे यांनी घटनास्थळी भेट दिली. हवालदार अनिल पाटील व स्वप्नील चव्हाण यांनी त्या व्यक्तीची तपासणी केली असता, त्यांच्या खिशात कडावल प्राथमिक आरोग्य केंद्राच चिठ्ठी मिळाली.त्यावरुन त्याची ओळख पटली.त्याचे नाव प्रथमेश दुखंडे असल्याचे स्पष्ट झाले.परतु,ते मयत झाले होते.

पाटील व चव्हाण यांनी पंचनामा केला. नंतर येथील ग्रामीण रुग्णालय येथील शवागृहात वैद्यकीय अधिकारी डॉ. वस्त यांनी विच्छेदन केल्यानंतर मृतदेह दुपारी नातेवाइकांच्या ताब्यात देण्यात आला.प्रथमेश अविवाहित होते.त्यांच्या पश्चात वडील, दोन भाऊ व अन्य परिवार आहे.