मंत्री श्री.दिपक केसरकर यांच्या प्रयत्नातून 14 कोटी 95 लाखाचा निधी मंजूर..

लोकसंवाद /- सावंतवाडी.

राज्य शासनाच्या जुलै २०२४ च्या अर्थसंकल्पीय बजेट मध्ये महाराष्ट्र राज्याचे शालेय शिक्षण व मराठी भाषा मंत्री नामदार श्री. दिपक केसरकर यांच्या प्रयत्नातून व त्यांच्या माध्यमातून सावंतवाडी मतदारसंघातील विविध कामांना १४ कोटी ९५ लाखाचा निधी मंजूर झालेला आहे, अशी माहिती शिवसेना जिल्हाप्रमुख अशोक दळवी यांनी दिली.

सावंतवाडी तालुक्यातील कनेडी कुपवडे कडावल नारूर वाडोस शिवापुर शिरशिंगे रस्ता रा मा १९० वर ८८/०० ते ९०/०० मध्ये रुंदीकरण व सुधारणा करणे दोन कोटी ७० लक्ष. सावंतवाडी तालुक्यातील वेंगुर्ला आकेरी आंबोली बेळगाव रस्ता रा मा १८० किमी १८ ते २१/२००मध्ये अपघात प्रवण क्षेत्राची सुधारणा करणे दोन कोटी. दोडामार्ग तालुक्यातील बांदा दोडामार्ग आयी रस्ता रा मा १८६ किमी ४२/७०० ते ५९/२१५ मध्ये सुधारणा व डांबरीकरण करणे ४ कोटी. दोडामार्ग तालुक्यातील तिलारी घोडगेवाडी पारगड रस्ता रा मा १८७ किमी ०/०० ते ६/४०० मध्ये सुधारणा व डांबरीकरण करणे ४ कोटी. वेंगुर्ला तालुक्यातील बोर्डी ठाणे न्हावाशेवा रेवस विजयदुर्ग मालवण वेंगुर्ला शिरोडा सातार्डा प्रमुख राज्यमार्ग क्रमांक ४ किमी ७४२/०० ते ७५०/०० मध्ये सुधारणा व डांबरीकरण करणे दोन कोटी २५ लक्ष तरतूद करण्यात आली आहे.

या कामामुळे मतदार संघातील खेड्यापाड्यातील लोकांच्या वाहतूक व्यवस्थेची चांगल्या प्रकारे सोय होणार आहे. अनेकगावे,अनेक वाड्या मार्गाला जोडल्या जाणार आहेत. ही कामे मंजूर झाल्यामुळे मतदारसंघातील नागरिकांनी श्री. दिपक केसरकर यांचे मनःपूर्वक आभार मानलेले आहेत,असे शिवसेना जिल्हाप्रमुख श्री अशोक दळवी, महिला जिल्हाध्यक्षा अॅड सौ. निता सावंत कविटकर,सावंतवाडी तालुकाप्रमुख श्री. नारायण राणे, वेंगुर्ले तालुकाप्रमुख श्री. नितीन मांजरेकर, दोडामार्ग तालुकाप्रमुख श्री. गणेशप्रसाद गवस यांनी सांगून मंत्री श्री. दिपक केसरकर यांचे मनःपूर्वक अभिनंदन केले आहे.