🛑वेंगुर्ला नगरपरिषदेला डासांच्या निमुर्लनासाठी केल्या जाणाऱ्या फवारणीचा पडला विसर.;ॲड. मनीष सातार्डेकर.

✍🏼लोकसंवाद /- वेंगुर्ला.

वेंगुर्ला नगरपरीषदेला डासांच्या निमुर्लनासाठी केल्या जाणाऱ्या फवारणीचा विसर पडला आहे.असा आरोप सामाजिक कार्यकर्ते ॲड. मनीष सातार्डेकर यानी केला आहे.पावसाळा सुरु होवुन जवळपास एक महिना उलटुन गेला तरी वेंगुर्ला नगरपरीषदेमार्फत डासांच्या निमुर्लनासाठी केली जाणारी फवारणी करण्यात आलेली नाही. त्यामुळे वेंगुर्ला शहरात डासांचा प्रार्दुभाव वाढलेला आहे आणि ही मोठी गंभीर बाब असून वेंगुर्ला नगरपरिषद मात्र याकडे जाणीव पूर्वक दुर्लक्ष करत आहे. तसेच पावसाळा सुरु होण्या आधीच त्याबाबतचे नियोजन करुन डास निमुर्लनासाठी फवारणी करणे आवश्यक होते. मात्र वेंगुर्ला नगरपरिषद मार्फत असे काहीही करण्यात आलेले नाही. व सध्या पावसाळा सुरु झाल्याने डासांचा प्रार्दुभाव झपाट्याने वाढलेला असून डासांच्या वाढत्या प्रार्दुभावामुळे डेंग्यू, मलेरीया, यांसारखे अनेक गंभीर आजार पसरतात. तसेच सध्या इतर ठिकाणी डेंग्यु व मलेरियाची साथ सुरु असुन सदर साथींच्या वाढत्या प्रार्दुभाचा धोका लक्षात घेता डास निमुर्लनाकडे गांभीर्याने लक्ष देणे आवश्यक असून त्याकडे गांभीर्याने लक्ष न दिल्यास लोकांच्या आरोग्याला धोका निर्माण होणार आहे. तसेच डासांच्या प्रादुर्भावा पासून निर्माण होणारे आजार देखील झपाट्याने पसरण्याचा मोठा धोका उद्भवणारा आहे. त्यामुळे वेंगुर्ला नगरपरिषदेने डास निमुर्लनाची मोहिम हाती घेवून त्यासाठी लवकरात लवकर वेंगुर्ला शहरामध्ये डासांच्या निमुर्लनासाठी डास प्रतिबंधक फवारणी त्वरीत करणे आवश्यक आहे.त्यामुळे वेंगुर्ला नगरपरिषदेने डास निमुर्लनासाठी केली जाणारी डास प्रतिबंधक फवारणी करणेबाबत गार्भीयाने विचार करुन वेंगुर्ला शहारामध्ये त्वरीत डास प्रतिबंधक फवारणी करावी व असे न केल्यास तसेच वेंगुर्ला शहरातील लोकांच्या आरोग्याला धोका निर्माण झाल्यास यांस केवळ वेंगुर्ला नगरपरिषद व नगरपरिषदेचे संबंधीत अधिकारी जबाबदार राहतील. असे मत देखील सामाजिक कार्यकरते ॲड.मनीष सातार्डेकर यानी व्यक्त केले आहे.