🛑माजी खासदार निलेश राणे यांच्या सहकार्यातून नेरूर ते डॉन बॉस्को बस सेवा सुरू..

▪️नगरसेवक अभिषेक गावडे यांचे विशेष प्रयत्न..

✍🏼लोकसंवाद /- कुडाळ.

डॉन बॉस्को शाळेतील मुले एसटी प्रवास गेल्या दोन वर्षापासून करत होती. ही एस. टी. बस सेवा आता नेरूर पासून कुडाळ डॉन बॉस्को अशी सुरू करण्यात आलेली आहे. यासाठी माजी खासदार निलेश राणे यांचे मोठे सहकार्य लाभले असल्याची प्रतिक्रिया नगरसेवक अभिषेक गावडे यांनी यावेळी बोलताना व्यक्त केली.या गाडीतून सुमारे 64 मुले प्रवास करत आहेत गाडीमध्ये नेरुर वरून येणारी 30 मुले आहेत.तेथील पालकांनी नेरुर ते डॉन बॉस्को अशा गाडीची मागणी एसटी प्रशासनाकडे केली होती.एसटी प्रशासनाने त्यावर त्वरित निर्णय घेऊन ही गाडी मंजुरीसाठी अर्ज कणकवली येथे पाठवला.माजी खासदार निलेश राणे यांच्या सहकार्यातून कणकवली येथे नगरसेवक अभिषेक गावडे यांनी संपर्क करून या गाडीला त्वरित मंजुरी मिळवून दिली. एसटी प्रशासनाने गेल्या दोन वर्षापासून दिलेली उत्तम सेवा त्यासाठी पालकांनी एसटी प्रशासनाचे नगरसेवक अभिषेक गावडे यांचे विशेष आभार मानले आहेत.