🛑संत राऊळ महाराज महाविद्यालयाचा ३९ वा वर्धापन दिन उत्साहात साजरा..

✍🏼लोकसंवाद /- कुडाळ.

संत राऊळ महाराज महाविद्यालयाचा वर्धापन दिन उत्साहात साजरा झाला.क.म.शि.प्र.मंडळाचे उपकार्याध्यक्ष श्री.अरविंद शिरसाठ यांच्याअध्यक्षतेखाली हा वर्धापन दिन सोहळा संपन्न झाला. भाईसाहेब सावंत आयुर्वेदिक महाविद्यालय, सावंतवाडी चे उपप्रचार्य डॉ प्रविणकुमार ठाकरे व श्री धनेश सावंत, सिनेट सदस्य, मुंबई विद्यापीठ, या कार्यक्रमाला प्रमुख पाहुणे म्हणून उपस्थित होते. प.पू.संत राऊळ महाराज यांच्या प्रतिमेला पुष्पहार अर्पण करून व दीपप्रज्वलन, सरस्वती पूजन व वृक्ष जलदान करून वर्धापन दिन सोहळ्याचा प्रारंभ झाला. महाविद्यालयाचे प्र. प्राचार्य डॉ. ए. एन. लोखंडे यांनी आपल्या प्रास्ताविकामध्ये या सोहळ्याचे औचित्य सांगून सर्व उपस्थित मान्यवरांचे गुलाबपुष्प देऊन महाविद्यालयाच्या वतीने स्वागत केले.

क.म.शि.प्र.मंडळाचे पदाधिकारी श्री का. आ. सामंत, श्री.सुरेश चव्हाण, श्री. प्रदीप आंगचेकर, श्री.केदार सामंत, , निवृत्त कर्मचारी श्री.प्रमोद सावंत श्री.मोहन मांजरेकर श्री.सगुण पेडणेकर ,श्री.सुधाकर घोगळे, तसेच महाविद्यालयाच्या माजी विद्यार्थी संघाचे प्रा.अरुण मर्गज, व इतर माजी-आजी विद्यार्थी बहुसंखेने उपस्थित होते.प्राणिशास्त्र विभागाचा विद्यार्थी तेजस सावंत याला रिसर्च प्रोजेक्ट साठी राज्यस्तरीय स्पर्धेत गोल्ड मेडल मिळाल्याबद्दल शाल व श्रीफळ , सन्मानचिन्ह देऊन प्रमुख पाहुणे डॉ प्रविणकुमार ठाकरे यांच्या हस्ते सत्कार करण्यात आला. तसेच डॉ.वाय.जे.कोळी यांचा आदर्श शिक्षक म्हणून पुरस्कार देऊन गौरविण्यात आले. महाविद्यालयाच्या वतीने माजी प्राचार्य,माजी कर्मचारी,माजी विद्यार्थ्यांचा या प्रसंगी गुलाब पुष्प व सन्मानचिन्ह देऊन गौरव करण्यात आला.

डॉ. प्रवीणकुमार ठाकरे यांनी आपल्या प्रमुख मनोगतात सांगितले की, कोकणातील मुलांचा बुद्ध्यांक हा जास्त असून ते तल्लख बुद्धीचे आहेत. प्रत्येक क्षेत्रामध्ये कोकणातील लोक हे मोठ्या प्रमाणात आहेत हे आपण बघू शकतो. मात्र विद्यार्थ्यांनी स्पर्धा परीक्षेकडे एक संधी म्हणून पहायलाले हवे व त्यामध्ये घवघवीत यश मिळवले पाहिजे. या कार्यक्रमाचे दुसरे वक्ते मा. धनेश सावंत, सिनेट सदस्य, मुंबई विद्यापीठ, यांनी नवीन राष्ट्रीय शैक्षणिक धोरणानुसार विद्यार्थ्यांनी आपापले करिअर निवडावे असे प्रतिपादित केले. या कार्यक्रमाचे अध्यक्ष मा. अरविंद शिरसाठ यांनी उच्च शिक्षणासाठी विद्यार्थ्यांनी व शिक्षकांनी आपापल्या भूमिकेनुसार कार्य करावे असे सांगितले व वर्धापन दिनाच्या शुभेच्छा दिल्या. क. म. शि. प्र. मंडळाचे उपाध्यक्ष श्री का. आ. सामंत यांनी नवीन शैक्षणिक धोरण हे नवे तेज प्रर्व सुरू होत असून विद्यार्थ्यांनी नवीन कौशल्य शिकून नोकरीच्या मागे न लागता व्यावसायिक बनून इतरांना नोकरी देण्याची संधी घ्यावी असे सांगितले.

प्रा .अरुण मर्गज यांनीही आपले मनोगत व्यक्त केले. पाहुण्यांची ओळख लेफ्ट.डॉ.एस.टी.आवटे यांनी तर सूत्रसंचालन डॉ रवींद्र ठाकूर यांनी केले. आभार डॉ.शरयू आसोलकर यांनी मानले.राष्ट्रगीतगायनाने कार्यक्रमाची सांगता झाली.