🛑सिंधुदुर्ग जिल्हा पोलीस भरतीत गुरुवारी ७५० पैकी ५०४ उमेदवार उपस्थित: ४६१ मैदानीसाठी पात्र.

✍🏼लोकसंवाद /- सिंधुदुर्ग.

सिंधुदुर्ग जिल्हा पोलीस भरतीच्या आजच्या दुसऱ्या दिवशी बोलवण्यात आलेल्या ७५० उमेदवारांमधून ५०४ उमेदवार उपस्थित राहिल. त्यातील ४६१ उमेदवार मैदानी चाचणीसाठी पात्र ठरले. दुपारनंतर मुसळधार पावसामुळे उमेदवारांच्या मैदानी चाचण्या थांबविण्यात आल्या. अशी माहिती सिंधुदुर्गचे जिल्हा पोलीस अधीक्षक सौरभ कुमार अग्रवाल यांनी दिली.

आजची भरती प्रक्रिया सुरु झाल्यानंतर दुपारपर्यंत ७९ उमेदवारांची मैदानी चाचणी पूर्ण झाली. त्यानंतर वेळोवेळी होणाऱ्या पावसाच्या व्यत्ययामुळे अतिवृष्टीमुळे काही उमेदवारांच्या मैदानी चाचण्या झाल्या नाहीत व काही उमेदवारांच्या चाचण्या अपूर्ण राहिल्या आहेत अशा सर्व उमेदवारांची दि. ०१/०७/२०२४ नंतर मैदानी चाचणी घेण्यात येणार असून त्याबाबत संबंधित उमेदवारांना ०४ दिवस अगोदर सिधुदुर्ग जिल्हा पोलीस दलाचे संकेतस्थळावर आगाऊ कळविण्यात येणार आहे. याकरीता उमेदवारांनी सिंधुदुर्ग जिल्हा पोलीस दलाच्या संकेतस्थळावरील अपडेट माहिती घेत राहण्याचे आवाहन करण्यात येत आहे.

सद्यस्थितीत पावसाचे वातावरण असल्याने जिल्हा समादेशक, होमगार्ड यांचे प्रशस्त इमारतीमध्ये उमेदवारांची हजेरी, कागदपत्रे पडताळणी, त्यांची शारिरीक मोजमाप घेण्यात आले. त्यांनी सोबत आणलेली बॅग,कागदपत्रे पावसाच्या पाण्यामुळे भिजून खराब होऊ नयेत याकरीता त्यांना त्यांचे साहित्य व बेंग ठेवण्यासाठी स्वतंत्र हॉल उपलब्ध करुन दिलेला असून उमेदवार पावसामध्ये भिजू नये यासाठी सुद्धा मैदानावर, होमगार्ड कार्यालय असे ठिक ठिकाणी तंबू, प्लॅस्टिक छताचे मंडप उभारण्यात आलेले आहेत. त्यामुळे आज झालेल्या अतिवृष्टीमध्ये उमेदवारांची योग्य काळजी घेतल्यामुळे उमेदवारांना कोणतीही अडचण व गैरसोय झालेली नाही. भरतीसाठी येणाऱ्या उमेदवारांची निवासाची गैरसोय होऊ नये याकरीता पोलीस मुख्यालयात तसेच सिंधुदुर्गनरीच्या अन्य ठिकाणी विनामूल्य व्यवस्था करण्यात आलेली असून उमेदवारांनी निवास व्यवस्थेसंबंधी सिंधुदुर्गगनरी पोलीस ठाण्याचे प्रभारी अधिकारी सहाय्यक पोलीस निरीक्षक, श्री. मनीष कोल्हटकर यांचे मोबाईल क्र. ९४२१७३२५६९, ८६८९८४८७७७ व पोलीस नियंत्रण कक्ष, सिधुदुर्ग येथील सहाय्यक पोलीस निरीक्षक श्री. सागर खंडागळे यांचा मोबाईल क्र. ९२७०३६३३२८ तसेच, पोलीस नियंत्रण कक्ष सिंधुदुर्ग येथील दुरध्वनी क्र. ०२३६२ – २२८२००, २२८६१४ यावर संपर्क करण्याचे आवाहन सिंधुदु‌र्ग पोलीस प्रशासनाच्या वतीने करण्यात आलेले आहे.

भरतीसाठी ज्या उमेदवारांनी पोलीस शिपाई / बेन्डसमन चालक पोलीस शिपाई सशस्त्र पोलीस शिपाई या पदांकरीता विविध घटकांमध्ये आवेदन अर्ज भरलेले आहेत,अशा उमेदवारांना एकाच दिवशी अथवा लागोपाठच्या दिवशी दोन पदांकरीता महा-आयटी कडून प्रवेशपत्र निर्गमीत झालेले आहे अशा उमेदवारांनासुद्धा त्यांची विनंती व प्रशासकीय सोयीनुसार आवश्यक ती तारीख बदलून देण्यात आलेली आहे. पोलीस भरतीसाठी प्रवेशपत्र निर्गमीत केलेले कोणीही उमेदवार भरती प्रक्रियेपासून वंचित राहणार नाही याची पुरेपूर खबरदारी घेण्यात आलेली आहे. अशी माहिती सिंधुदुर्गचे पोलीस अधीक्षक सौरभ कुमार अग्रवाल यांनी दिली.